* ប្រធានាធិបតីបារាំង ម៉ាក្រុង ចង់ឲ្យមានការបង្រៀនភាសាបារាំងកាន់តែច្រើនថែមទៀតនៅក្នុងប្រទេសកម្ពុជា
* ប្រមុខដឹកនាំកម្ពុជា-បារាំង បង្កើតភាពជាដៃគូកម្រិតថ្មី ជាមួយនឹងការចុះហត្ថលេខាលើកិច្ចព្រមព្រៀងចំនួន២៩
* សម្តេចមហាបវរធិបតី ហ៊ុន ម៉ាណែត ថ្លែងអំណរគុណប្រទេសបារាំង និងលោក ម៉ាក្រុង ដែលបានខិតខំសម្របសម្រួលរកដំណោះស្រាយដោយសន្តិវិធី លើបញ្ហាព្រំដែនកម្ពុជា-ថៃ
* សម្តេចមហាបវរធិបតី ហ៊ុន ម៉ាណែត ប្រកាសពីមហិច្ឆតារបស់កម្ពុជា ក្នុងការក្លាយជា «ស្ពាន FinTech» ដើម្បីតភ្ជាប់ប្រព័ន្ធបច្ចេកវិទ្យាហិរញ្ញវត្ថុរវាងបណ្តាប្រទេសនិយាយភាសាបារាំង និងតំបន់អាស៊ាន
* ប្រធានាធិបតីបារាំង ម៉ាក្រុង និងលោកជំទាវទីមួយ ចូលក្រាបបង្គំគាល់ ព្រះមហាក្សត្រខ្មែរ នៅព្រះបរមរាជវាំង ក្នុងដំណើរទស្សនកិច្ចផ្លូវរដ្ឋជាប្រវត្តិសាស្ត្រនៅកម្ពុជា
* សម្តេចតេជោ ហ៊ុន សែន ទទួលស្វាគមន៍យ៉ាងកក់ក្តៅចំពោះ លោក អេម៉ានុយអែល ម៉ាក្រុង ប្រធានាធិបតីបារាំង នៅវិមានសាមគ្គីភាព មុនជំនួបប្រជុំកំពូល
* សម្តេចមហាបវរធិបតី ហ៊ុន ម៉ាណែត អញ្ជើញបើកផ្លូវការព្រឹត្តិការណ៍ហ្វ្រង់កូតិច២០២៦
* ព្រះមហាក្សត្រកម្ពុជា រៀបចំព្រះរាជពិធីលៀងសាយភោជន៍ជូនប្រធានាធិបតីបារាំង និងគណៈប្រតិភូ ក្នុងឱកាសអញ្ជើញមកបំពេញទស្សនកិច្ចផ្លូវរដ្ឋនិង ឱកាសកិច្ចប្រជុំកំពូលហ្វ្រង់កូហ្វូនីនៅកម្ពុជា
* ព្រះមហាក្សត្រ៖ «សេចក្តីស្អប់មិនអាចរំលាយដោយសេចក្តីស្អប់បានឡើយ», ស្នាមញញឹមខ្មែរ នឹងធ្វើជាសារសន្តិភាពទៅកាន់ពិភពលោក
* ព្រះមហាក្សត្រ អំពាវនាវឱ្យផ្តល់តួនាទីពេញលេញដល់យុវជនក្នុងការកសាងសន្តិភាព និងវាយតម្លៃខ្ពស់ចំពោះថាមពលវ័យក្មេងនៃទ្វីបអាហ្វ្រិក
* ព្រះមហាក្សត្រ រំឭកពីព្រះរាជបេសកកម្ម «ព្រះបរមរតនកោដ្ឋ» ក្នុងការបង្កើតហ្វ្រង់កូហ្វូនី និងចំខួប ៦០ឆ្នាំនៃសំឡេង លោក ហ្សាល ដឺហ្គោល អតីតប្រធានាធិបតីបារាំងនៅភ្នំពេញ
* អគ្គលេខាធិការអង្គការសហប្រជាជាតិ អះអាងថា ពិភពលោក បច្ចុប្បន្ន ចំណាយលើយោធាធំជាងជំនួយអភិវឌ្ឍន៍១៣ដង និងអំពាវនាវឱ្យប្រែក្លាយទំនុកចិត្តហ្វ្រង់កូហ្វូនីទៅជាសន្តិភាពពិតប្រាកដ
* សម្ដេចមហាបវរធិបតី ហ៊ុន ម៉ាណែត៖ កម្ពុជា មានបំណងប្រែក្លាយភ្នំពេញ ឲ្យទៅជាស្ពានភ្ជាប់រវាងអាស៉ី និងលំហហ្វ្រង់កូហ្វូនី
* សម្តេចមហាបវរធិបតី ហ៊ុន ម៉ាណែត ស្នើឱ្យមានសកម្មភាពគន្លឹះចំនួនបី គឺការបង្ការ ការត្រៀមខ្លួន និងការកសាងវិបុលភាព
* សម្តេចធិបតី ហ៊ុន ម៉ាណែត៖ កម្ពុជានិយាយពីសន្តិភាព ពីព្រោះកម្ពុជាធ្លាប់ឆ្លងកាត់សង្រ្គាម, កម្ពុជាដឹងច្បាស់ថាសង្រ្គាមបានបំផ្លិចបំផ្លាញអ្វីខ្លះ ហើយកម្ពុជាក៏ដឹងច្បាស់ថា សន្តិភាពនាំមកនូវលទ្ធភាពអ្វីខ្លះ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

លោកស្រីបណ្ឌិត ជា សិរី៖ នវានុវត្តន៍ហិរញ្ញវត្ថុពិតប្រាកដ ត្រូវចូលរួមដោះស្រាយបញ្ហាជាក់ស្តែង និងលើកកម្ពស់ជីវភាពប្រជាពលរដ្ឋ

15-11-2026 19:34

(ភ្នំពេញ)៖ លោកស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា បានលើកឡើងថា តម្លៃពិតប្រាកដនៃនវានុវត្តន៍ហិរញ្ញវត្ថុ គឺស្ថិតនៅលើសមត្ថភាពក្នុងការដោះស្រាយបញ្ហាជាក់ស្តែង ពង្រីកបរិយាបន្នហិរញ្ញវត្ថុ និងលើកកម្ពស់ជីវភាពរស់នៅរបស់ប្រជាពលរដ្ឋ។

ការលើកឡើងបែបនេះ របស់លោកស្រីបណ្ឌិត ជា សិរី ធ្វើឡើងក្នុងឱកាសដែលលោកស្រីបណ្ឌិត បានអញ្ជើញជាវាគ្មិនក្នុងកិច្ចពិភាក្សាក្រោមប្រធានបទ «ការកសាងហេដ្ឋារចនាសម្ព័ន្ធទូទាត់៖ ការរៀបចំមូលដ្ឋានគ្រឹះសម្រាប់នវានុវត្តន៍ហិរញ្ញវត្ថុ» ក្នុងកិច្ចប្រជុំកំពូល Black Swan Summit Cambodia នាថ្ងៃទី១៥ ខែវិច្ឆិកា ឆ្នាំ២០២៦។

លោកស្រីបណ្ឌិត ជា សិរី បានចែករំលែកអំពីគំនិតផ្តួចផ្តើមដំបូងនៃការបង្កើតប្រព័ន្ធបាគង ដែលមានគោលបំណងជួយសម្រួលដល់ពលករចំណាកស្រុក ជាពិសេសស្ត្រី ក្នុងការផ្ទេរប្រាក់មកកាន់ក្រុមគ្រួសារប្រកបដោយសុវត្ថិភាព និងចំណាយទាប។

លោកស្រីបានបន្តថា ជាមួយគ្នានេះ ប្រព័ន្ធបាគងក៏ត្រូវបានបង្កើតឡើងដើម្បីជាមូលដ្ឋានគ្រឹះ នៃហេដ្ឋារចនាសម្ព័ន្ធទូទាត់ ដែលអាចជួយឱ្យគ្រឹះស្ថានធនាគារ និងហិរញ្ញវត្ថុធ្វើប្រតិបត្តិការអន្តរធនាគារបានកាន់តែងាយស្រួល និងមានប្រសិទ្ធភាព។

លោកស្រីបណ្ឌិត ជា សិរី បានបញ្ជាក់ថា «តម្លៃពិតនៃនវានុវត្តន៍ហិរញ្ញវត្ថុ គឺស្ថិតនៅលើសមត្ថភាព ក្នុងការដោះស្រាយបញ្ហាជាក់ស្តែង ពង្រីកបរិយាបន្នហិរញ្ញវត្ថុ និងលើកកម្ពស់ជីវភាពប្រជាពលរដ្ឋ»។

លោកស្រីបណ្ឌិត បានបន្តលើកឡើងថា ហេដ្ឋារចនាសម្ព័ន្ធហិរញ្ញវត្ថុឌីជីថល មិនមែនមានតួនាទីត្រឹមតែសម្រួលដល់ការទូទាត់ប្រាក់ប៉ុណ្ណោះទេ ប៉ុន្តែថែមទាំងអាចជួយពង្រីកលទ្ធភាពទទួលបានឥណទានរបស់ប្រជាពលរដ្ឋផងដែរ។

តាមរយៈការប្រើប្រាស់ព័ត៌មានឥណទាន និងទិន្នន័យប្រតិបត្តិការឌីជីថល គ្រឹះស្ថានធនាគារ និងហិរញ្ញវត្ថុអាចវាយតម្លៃសមត្ថភាពរបស់អតិថិជនបានកាន់តែប្រសើរ ដែលជួយបង្កើនឱកាសទទួលបានសេវាហិរញ្ញវត្ថុសម្រាប់ប្រជាពលរដ្ឋកាន់តែទូលំទូលាយ។

លោកស្រីបណ្ឌិត ជា សិរី បានលើកឡើងពីសារៈសំខាន់នៃការអប់រំចំណេះដឹងផ្នែកហិរញ្ញវត្ថុ និងការការពារអ្នកប្រើប្រាស់ ដើម្បីជំរុញឱ្យប្រជាពលរដ្ឋ ប្រើប្រាស់សេវាហិរញ្ញវត្ថុឌីជីថលប្រកបដោយការទទួលខុសត្រូវ សុវត្ថិភាព និងទំនុកចិត្ត។

សូមបញ្ជាក់ថា កិច្ចពិភាក្សាខាងលើក៏មានការចូលរួមពីលោក Hélder Lopes ទេសាភិបាលធនាគារកណ្តាលទីម័រឡេស្តេ និងលោកបណ្ឌិត Patrick Njoroge អតីតទេសាភិបាលធនាគារកណ្តាលកេនយ៉ា ដោយសម្របសម្រួលដោយលោកស្រី Irene Arias Hofman នាយិកាប្រតិបត្តិក្រុមហ៊ុន MIRA Capital & Technology ផងដែរ៕