* សម្តេចធិបតី ហ៊ុន ម៉ាណែត និងគណៈប្រតិភូជាន់ខ្ពស់រាជរដ្ឋាភិបាលកម្ពុជាបានអញ្ជើញដល់អាកាសយានដ្ឋានអន្តរជាតិ Ninoy Aquino International Airport
* កម្ពុជា-កាណាដា ឯកភាពជំរុញកិច្ចសហប្រតិបត្តិការទ្វេភាគីឱ្យកាន់តែរឹងមាំ និងស៊ីជម្រៅ
* កាណាដា នឹងធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនី លើកទី២១ នៅឆ្នាំ២០២៨ ខាងមុខនេះ
* សម្តេចមហាបវរធិបតី ហ៊ុន ម៉ាណែត បានដឹកនាំគណៈប្រតិភូចាកចេញពីកម្ពុជាហើយ ដើម្បីចូលរួមកិច្ចប្រជុំកំពូលពាក់ព័ន្ធ នៃកិច្ចប្រជុំកំពូលអាស៊ាន លើកទី៤៩ នៅទីក្រុងម៉ានីល
* កិច្ចប្រជុំកំពូលហ្វ្រង់កូហ្វូនី លើកទី២០ ចេញសេចក្តីសម្រេចស្តីពីស្ថានភាពវិបត្តិ ស្ថានភាពចាកចេញពីវិបត្តិ និងស្ថានភាពពង្រឹងសន្តិភាពនៅក្នុងលំហហ្វ្រង់កូហ្វូនី ដោយបញ្ជាក់ជំហរគាំទ្រអធិបតេយ្យភាព និងបូរណភាពទឹកដីកម្ពុជា
* ក្រោយបញ្ចប់កិច្ចប្រជុំ ដែលកម្ពុជាធ្វើជាម្ចាស់ផ្ទះ «ហ្វ្រង់កូហ្វូនី លើកទី២០» ចេញសេចក្តីថ្លែងការណ៍ទីក្រុងភ្នំពេញ ចំនួន៣២ចំណុច
* កិច្ចប្រជុំកំពូល «ហ្វ្រង់កូហ្វូនី លើកទី២០» ចេញ «សេចក្តីអំពាវនាវទីក្រុងភ្នំពេញ» ដែលមានចំណុចគន្លឹះចំនួន៧ ស្តីពី «កិច្ចការពារបេតិកភណ្ឌវប្បធម៌ និងការលើកកម្ពស់ភាពចម្រុះនៃវប្បធម៌»
* ប្រធានាធិបតីបារាំង លោក ម៉ាក្រុង ចាកចេញពីកម្ពុជាហើយ ក្រោយបន្សល់ទុកផ្លែផ្កាជាប្រវត្តិសាស្ត្រ និងបើកទំព័រសករាជថ្មីនៃទំនាក់ទំនងកម្ពុជា-បារាំង និងពិភពហ្វ្រង់កូហ្វូនី
* កិច្ចប្រជុំកំពូលហ្វ្រង់កូហ្វូនី លើកទី២០ ចេញសេចក្តីសម្រេចស្តីពីស្ថានភាពវិបត្តិ ស្ថានភាពចាកចេញពីវិបត្តិ និងស្ថានភាពពង្រឹងសន្តិភាពនៅក្នុងលំហហ្វ្រង់កូហ្វូនី ដោយបញ្ជាក់ជំហរគាំទ្រអធិបតេយ្យភាព និងបូរណភាពទឹកដីកម្ពុជា
* កិច្ចព្រមព្រៀង និងឯកសារគតិយុត្តចំនួន១០ ត្រូវបានចុះហត្ថលេខាក្នុងអំឡុងវេទិកាធុរកិច្ចបារាំង-កម្ពុជា ឆ្នាំ២០២៦ បើកផ្លូវជំរុញការធ្វើពាណិជ្ជកម្មលើវិស័យសំខាន់ៗ
* លោក ម៉ាក្រុង រំលេចពីមោទនភាពនៃការជួសជុល និងដាក់តាំង «ព្រះវិស្ណុផ្ទំ» នៅសារមន្ទីរ Guimet ដែលទាក់ទាញមនុស្សរាប់ម៉ឺននាក់ឱ្យស្គាល់អរិយធម៌ខ្មែរ
* ប្រធានាធិបតីបារាំង សម្តែងការកោតសរសើរយ៉ាងខ្លាំងចំពោះព្រះរាជបន្ទូលភាសាបារាំងដ៏ល្អឥតខ្ចោះរបស់ ព្រះមហាក្សត្រខ្មែរ
* សម្តេចធិបតី ហ៊ុន ម៉ាណែត ទទួលស្វាគមន៍ និងពិភាក្សាការងារជាមួយនាយករដ្ឋមន្ត្រីកាណាដា
* ព្រះមហាក្សត្រ ថ្លែងអំណរគុណប្រទេសបារាំង និងរាជរដ្ឋាភិបាលកម្ពុជា ចំពោះកិច្ចខិតខំប្រឹងប្រែងជួសជុលស្តារប្រាសាទមេបុណ្យខាងលិចឱ្យរស់ឡើងវិញ
* កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ បានបិទបញ្ចប់ដោយជោគជ័យ, ជាមួយការចេញសេចក្ដីថ្លែងការណ៍ទីក្រុងភ្នំពេញ ផ្តោតសំខាន់៣២ចំណុច
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

កូនលោក ខេមរៈសិរីមន្ត និងសិស្សខ្មែរពីសាលា AISPP ដណ្ដើមបានមេដាយមាសជាលើកដំបូង ពីកម្មវិធីប្រកួតបច្ចេកវិទ្យា World Techlympics 2026 នៅម៉ាឡេស៊ី

16-11-2026 17:54

(ភ្នំពេញ)៖ កូនលោក ខេមរៈសិរីមន្ត ឈ្មោះ ថុន ខេមរៈមន្តស្នេហ៍ រួមជាមួយសិស្សខ្មែរច្រើនរូបផ្សេង​ទៀត ពីសាលាអន្តរជាតិអូស្ត្រាលីភ្នំពេញ (AISPP) ដណ្ដើមមេដាយមាសជាលើកដំបូងពីកម្មវិធីប្រកួតបច្ចេក​វិទ្យា​ពិភពលោក World Techlympics 2026 ដែលរៀបចំឡើងនៅទីក្រុងកូឡាឡាំពួរ ប្រទេសម៉ា​ឡេ​ស៊ី ដោយមានការចូលរួមពីយុវជន និងអ្នកច្នៃប្រឌិតវ័យក្មេងមកពីជាង ៤០ប្រទេស។

សមិទ្ធផលនេះ គឺជាមោទនភាពថ្មីសម្រាប់កម្ពុជា និងជាការបង្ហាញពីសមត្ថភាពទេពកោសល្យភាពច្នៃ​ប្រឌិត និងសក្តានុពលរបស់យុវជនកម្ពុជាក្នុងការប្រកួតប្រជែងលើឆាកអន្តរជាតិ ជាពិសេសក្នុងវិស័យ​វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM)។

World Techlympics គឺជាវេទិកាប្រកួតប្រជែងផ្នែកបច្ចេកវិទ្យា និងនវានុវត្តន៍លក្ខណៈអន្តរជាតិ ដែលផ្តល់ឱកាសដល់យុវជន និងអ្នកមានទេពកោសល្យមកពីបណ្តាប្រទេសនានា បង្ហាញសមត្ថភាព ចំណេះដឹង និងគំនិតច្នៃប្រឌិត តាមរយៈការអភិវឌ្ឍដំណោះស្រាយបច្ចេកវិទ្យា។

ការប្រកួតនេះមានសារៈសំខាន់ក្នុងការជំរុញការសិក្សាផ្នែកវិទ្យាសាស្ត្រ បច្ចេកវិទ្យា វិស្វកម្ម និង​គណិត​វិទ្យា (STEM) ព្រមទាំងលើកកម្ពស់ជំនាញគិតវិភាគ ការដោះស្រាយបញ្ហា និងការធ្វើការជាក្រុម ដែល​ជា​ជំនាញចាំបាច់សម្រាប់យុវជនក្នុងយុគសម័យឌីជីថល។

សាលា AISPP បានបង្ហាញក្តីសោមនស្សរីករាយ និងមោទនភាពយ៉ាងខ្លាំងចំពោះសមិទ្ធផល ដែលជា​ការ​បំបែកកំណត់ត្រាប្រវត្តិសាស្ត្រថ្មីសម្រាប់ប្រទេសកម្ពុជា។ ជ័យជម្នះនេះ មិនមែនគ្រាន់តែ​ជាជោគ​ជ័យរបស់ AISPP ប៉ុណ្ណោះទេ ប៉ុន្តែជាជ័យជម្នះប្រវត្តិសាស្ត្ររបស់ប្រទេសកម្ពុជា ជាមោទ​នភាព​នៃសមត្ថ​ភាព និងទេពកោសល្យរបស់កូនខ្មែរ ព្រមទាំងជាភស្តុតាងដ៏រឹងមាំបញ្ជាក់ថា យុវជនជំនាន់​ថ្មីរបស់យើងមានសមត្ថភាពប្រកួតប្រជែង បង្កើតនវានុវត្តន៍ និងសម្រេចបានឧត្តម​ភាពលើឆាក​អន្តរជាតិ។

សមិទ្ធផលនេះ ក៏បានបានបង្ហាញឱ្យពិភពលោកឃើញថា តាមរយៈការប្តេជ្ញាចិត្ត ភាពច្នៃប្រឌិត ការគិត​បែបវិភាគ ស្មារតីសហការជាក្រុម និងភាពក្លាហានក្នុងការស្រមៃចង់សម្រេចគោលដៅធំៗ កូនខ្មែរពិតជា​មានសមត្ថភាពឈរនៅក្នុងចំណោមយុវជនឆ្នើមបំផុតលើពិភពលោក។

ក្នុងឱកាសដែល AISPP កំពុងអបអរសាទរខួប៩ ឆ្នាំនៃឧត្តមភាពផ្នែកសិក្សា​តាមកម្មវិធីអប់រំ​បាក់ឌុប​អន្តរជាតិ (IB) សមិទ្ធផលដ៏វិសេសវិសាលនេះបានឆ្លុះបញ្ចាំងយ៉ាងច្បាស់ពី​ការប្តេជ្ញាចិត្តឥតងាករេរបស់​សាលា ក្នុងការបណ្តុះបណ្តាលអ្នកច្នៃប្រឌិត អ្នកដោះស្រាយបញ្ហា និងអ្នកដឹកនាំសកលនាពេល​អនា​គត តាមរយៈការអប់រំដែលអភិវឌ្ឍសិស្សគ្រប់ជ្រុងជ្រោយបំផុត៕