* សម្តេចមហាបវរធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់សមិទ្ធផលកែលំអហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រមន្ទីរពេទ្យបង្អែកស្រុកចំនួន៦១កន្លែង នាព្រឹកថ្ងៃទី១៩ ខែវិច្ឆិកា ឆ្នាំ២០២៦
* បង់ក្លាដែសដាក់ពង្រាយកងកម្លាំង ទប់ស្កាត់ភាពវឹកវរជុំវិញគម្រោងវិលត្រឡប់របស់លោកស្រី ហាស៊ីណា
* វិភាគអន្តរជាតិ៖ ហេតុអ្វីចិនប្រកែកមិនចង់ចូលរួមសន្ធិសញ្ញាគ្រប់គ្រងអាវុធនុយក្លេអ៊ែរជាមួយអាមេរិក និងរុស្ស៉ី?
* «ភូមិហ្វ្រង់កូហ្វូនី» រយៈពេល៥ថ្ងៃ មានភ្ញៀវទេសចរជាង៦៦ម៉ឺននាក់ ចូលរួមទស្សនា
* Fresh Exclusive: សម្ពាធការទូតពីភ្នំពេញដល់ម៉ានីល៖ ការមិនគោរពកិច្ចព្រមព្រៀង និងការគេចវេសរបស់ថៃ ត្រូវបានលាតត្រដាងលើឆាកអន្តរជាតិ
* ជួបសម្តេចមហាបវរធិបតី, ឯកអគ្គរដ្ឋទូតអាមេរិក បានបញ្ជាក់ថា អាមេរិក នៅតែបន្តជំរុញការអនុវត្តសេចក្តីថ្លែងការណ៍រួមទីក្រុងកូឡាឡាំពួលើបញ្ហាព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* លោក ដូណាល់ ត្រាំ ថាអាមេរិកកំពុងពង្រីកកិច្ចសហប្រតិបត្តិការផ្នែកការពារជាតិជាមួយហ្វីលីពីន
* ទោះបីជាពេលវេលាតែមួយថ្ងៃ តែសម្តេចធិបតី ហ៊ុន ម៉ាណែត បានចូលរួមកិច្ចប្រជុំកំពូលរហូតដល់៧ និងជំនួបទ្វេភាគីចំនួន២ ដោយគ្រប់នាទីសុទ្ធតែមានតម្លៃ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

សមត្ថកិច្ចចុះអប់រំណែនាំក្រុមហ៊ុន អិល ប៊ី អូតូ ឯ.ក (LB Auto) និងក្រុមហ៊ុន ក្រោន រ៉ូដ អូតូ ឯ.ក (CR Auto Cambodia) ពាក់ព័ន្ធនឹងសិទ្ធិនាំចូល និងចែកចាយផ្ដាច់មុខរបស់ក្រុមហ៊ុន អ អិម អេ (ខេមបូឌា) ម.ក លើម៉ាក «CHANGAN» និងម៉ាក «DEEPAL»

17-11-2026 17:51

(ភ្នំពេញ)៖ នៅព្រឹកថ្ងៃទី១៧ ខែវិច្ឆិកា ឆ្នាំ២០២៦ កម្លាំងជំនាញការិយាល័យប្រឆាំងបទល្មើសកម្មសិទ្ធិបញ្ញា នៃនាយកដ្ឋាននគរបាលប្រឆាំងបទល្មើសសេដ្ឋកិច្ច បានចុះធ្វើការអប់រំ និងណែនាំទីតាំងលក់រថយន្តមួយចំនួន ដែលបានកំពុងផ្សព្វផ្សាយ ប្រកាសលក់នាំចូលផលិតផលរថយន្តម៉ាក «CHANGAN» និងម៉ាក «DEEPAL» ថ្មី រួមនឹងម៉ាកដទៃទៀតដែលសង្ស័យថាបានកំពុងតែរំលោភសិទ្ធិ និងចែកចាយផ្តាច់មុខរបស់ក្រុមហ៊ុន អ អិម អេ (ខេមបូឌា) ម.ក (RMA CAMBODIA PLC)។

កម្លាំងជំនាញការិយាល័យប្រឆាំងបទល្មើសកម្មសិទ្ធិបញ្ញា នៃនាយកដ្ឋាននគរបាលប្រឆាំងបទល្មើសសេដ្ឋកិច្ច បានចុះទៅត្រួតពិនិត្យហាងលក់រថយន្តចំនួន ២កន្លែងរួមមាន៖
ទី១៖ ក្រុមហ៊ុនលក់រថយន្តយីហោ អិល ប៊ី អូតូ ឯ.ក (LB Auto) ស្ថិតនៅផ្លូវលេខ១៩២៨ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ។
ទី២៖ ក្រុមហ៊ុនលក់រថយន្តយីហោ ក្រោន រ៉ូដ អូតូ ឯ.ក. (CR Auto Cambodia) ស្ថិតនៅផ្លូវ ៣៧១ ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ។

ក្នុងប្រតិបត្តិការនោះ មន្ត្រីជំនាញបានធ្វើការអប់រំ និងណែនាំយ៉ាងច្បាស់លាស់ដល់ម្ចាស់ទីតាំងឱ្យបានយល់ដឹងពីផ្លូវច្បាប់លើសិទ្ធិដែលក្រុមហ៊ុន អ អិម អេ (ខេមបូឌា) ម.ក (RMA CAMBODIA PLC) បានចុះបញ្ជីទទួលស្គាល់ត្រឹមត្រូវនៅក្រសួងពាណិជ្ជកម្ម ក្នុងការនាំចូល ចែកចាយផ្តាច់មុខនូវរថយន្តម៉ាក CHANGAN និងម៉ាក DEEPAL ថ្មី រួមនឹងម៉ាកដទៃទៀត យកមកលក់ក្នុងទីផ្សារព្រះរាជាណាចក្រកម្ពុជា ដូចនេះចាប់ពីពេលនេះតទៅ ម្ចាស់ទីតាំងទាំងពីរកន្លែងដាច់ខាតមិនត្រូវបន្តធ្វើការនាំចូលរថយន្តម៉ាក CHANGAN និងម៉ាក DEEPAL ថ្មី រួមនឹងម៉ាកដទៃទៀត ដែលក្រុមហ៊ុន អ អិម អេ (ខេមបូឌា) ម.ក (RMA CAMBODIA PLC) មានសិទ្ធិផ្តាច់មុខនោះទេ បើពុំនោះទេនឹងត្រូវទទួលខុសត្រូវចំពោះមុខច្បាប់ រួមទាំងសងសំណងខូចខាតយ៉ាងធ្ងន់ធ្ងរដល់ក្រុមហ៊ុន អ អិម អេ (ខេមបូឌា) ម.ក (RMA CAMBODIA PLC)។

នេះជាសាររំលឹកដល់ម្ចាស់ទីតាំងលក់រថយន្តដទៃផ្សេងទៀត មិនត្រូវធ្វើការនាំចូល ផ្សព្វផ្សាយ ដាក់តាំងលក់ ឬប្រកាសលក់នូវរថយន្តដែលរំលោភបំពានសិទ្ធិនាំចូល និងចែកចាយផ្តាច់មុខឡើយ ហើយទន្ទឹមគ្នានេះសមត្ថកិច្ចនឹងបន្តចុះត្រួតពិនិត្យលើទីតាំងផ្សេងៗបន្ថែមទៀត ប្រសិនបើមានករណីសង្ស័យណាមួយលើទីតាំងផ្សេងៗ ដែលនាំចូលរថយន្តម៉ាក CHANGAN និងម៉ាក DEEPAL ថ្មី រួមទាំងម៉ាកដទៃទៀត ដូចជាម៉ាក Ford ម៉ាក Jeep ម៉ាក RAM ម៉ាក Peugeot និងម៉ាក Mercedez-Benz ដែលកំពុងតែរំលោភសិទ្ធិនាំចូល និងចែកចាយផ្តាច់មុខរបស់ក្រុមហ៊ុន អ អិម អេ (ខេមបូឌា) ម.ក (RMA CAMBODIA PLC)៕