* Fresh Exclusive: សម្ពាធការទូតពីភ្នំពេញដល់ម៉ានីល៖ ការមិនគោរពកិច្ចព្រមព្រៀង និងការគេចវេសរបស់ថៃ ត្រូវបានលាតត្រដាងលើឆាកអន្តរជាតិ
* ជួបសម្តេចមហាបវរធិបតី, ឯកអគ្គរដ្ឋទូតអាមេរិក បានបញ្ជាក់ថា អាមេរិក នៅតែបន្តជំរុញការអនុវត្តសេចក្តីថ្លែងការណ៍រួមទីក្រុងកូឡាឡាំពួលើបញ្ហាព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* លោក ដូណាល់ ត្រាំ ថាអាមេរិកកំពុងពង្រីកកិច្ចសហប្រតិបត្តិការផ្នែកការពារជាតិជាមួយហ្វីលីពីន
* ទោះបីជាពេលវេលាតែមួយថ្ងៃ តែសម្តេចធិបតី ហ៊ុន ម៉ាណែត បានចូលរួមកិច្ចប្រជុំកំពូលរហូតដល់៧ និងជំនួបទ្វេភាគីចំនួន២ ដោយគ្រប់នាទីសុទ្ធតែមានតម្លៃ
* សម្តេចធិបតី ហ៊ុន ម៉ាណែត ស្នើជាថ្មីដល់ភាគីថៃ ឱ្យសហការបន្តការងារវាស់វែង និងខណ្ឌសីមាព្រំដែនជាបន្ទាន់ ដើម្បីលុបបំបាត់ឫសគល់នៃជម្លោះ និងឈានទៅរកសន្តិភាពយូរអង្វែង
* សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញដល់ប្រទេសវិញហើយ ក្រោយបញ្ចប់ការងារនៅហ្វីលីពីន
* សម្តេចតេជោ ហ៊ុន សែន ផ្ញើសារទៅថៃ បើចង់ឱ្យកម្ពុជា ឈប់លើករឿងថៃឈ្លានពានលើវេទិកាអន្តរជាតិ ត្រូវគោរពកិច្ចព្រមព្រៀង និងចាប់ផ្តើមដំណើរការវាស់វែងដីព្រំដែន
* វិភាគអន្តរជាតិ៖ តើលោក ដូណាល់ ត្រាំ និងលោក គីម ជុងអ៊ុន អាចជួបគ្នាជាថ្មីនៅចិន?
* នៅចំពោះមុខសម្តេចតេជោ, អនុប្រធានព្រឹទ្ធសភាម៉ាឡេស៊ី ចង់បង្កើតឱ្យមានក្រុមមិត្តភាពនៃសមាជិកព្រឹទ្ធសភាប្រទេសទាំងពីរ ដើម្បីឱ្យមានចំណងមិត្តភាពនៃស្ថាប័ននីតិបញ្ញត្តិកាន់តែរឹងមាំ
* លោក ដូណាល់ ត្រាំ លើកឡើងពីកិច្ចព្រមព្រៀងសន្តិភាពទីក្រុងកូឡាឡាំពួរ សម្តែងក្តីសង្ឃឹមចំពោះនិរន្តរភាព
* សម្ដេចមហាបវរធិបតី ហ៊ុន ម៉ាណែត ចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក និងពិធីលៀងសាយភោជន៍ផ្លូវការនៅប្រទេសហ្វីលីពីន
* សម្តេចមហាបវរធិបតី ហ៊ុន ម៉ាណែត អញ្ជើញចូលរួមពិធីបិទកិច្ចប្រជុំកំពូលអាស៊ាននៅហ្វីលីពីន
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

វេទិកាសាធារណៈនៅស្រុកពញាឮ ខេត្តកណ្ដាល៖ ពលរដ្ឋស្នើសុំច្រើនចំណុច ពិសេសចោទក្រុមហ៊ុនទឹកស្អាតមួយថា គ្មានទឹកប្រើប្រាស់ បើកមកចេញតែខ្យល់ តែក្រុមហ៊ុនចេញវិក្កយបត្រឲ្យពលរដ្ឋបង់លុយរាល់ខែ

18-11-2026 16:03

(កណ្ដាល)៖ ស្ថិតនៅក្នុងវេទិកាសាធារណៈមួយដែលធ្វើឡើងដោយក្រុមប្រឹក្សាខេត្តកណ្ដាល អាណត្តិទី៤ លើកទី៣ ឆ្នាំ២០២៦ នៅស្រុកពញាឮ ដើម្បីចង់ដឹងពីទុក្ខលំបាក ការស្នើសុំផ្សេងៗពីពលរដ្ឋ អ្នកស្រុកពញាឮ បានលើកឡើងស្នើសុំឲ្យដោះស្រាយច្រើនចំណុច ក្នុងនោះមានទាំងក្រុមហ៊ុនទឹកស្អាត គ្មានទឹកផ្ដល់ឲ្យពលរដ្ឋ តែចេញវិក្កយបត្រថ្លៃទឹកជារៀងរាល់ខែ។

ពិធីនេះធ្វើឡើងកាលពីថ្ងៃទី១៧ ខែវិច្ឆិកា ឆ្នាំ២០២៦ ក្រោមអធិបតីភាពលោក ឈឹម កន សមាជិកក្រុមប្រឹក្សាខេត្តកណ្ដាល និងលោក លី វុទ្ធី អភិបាលរងខេត្តកណ្ដាល។

លោក ឈឹម កន បានគូសបញ្ជាក់ថា វេទិកាផ្សព្វផ្សាយ និងពិគ្រោះយោបល់នេះបង្កើតឡើងក្នុងគោលបំណងបើកឱកាសឲ្យប្រជាពលរដ្ឋបានសម្ដែងមតិ កង្វល់ ព្រមទាំងសំណូមពរផ្សេងៗដោយផ្ទាល់ ទៅកាន់អាជ្ញាធរមាន សមត្ថកិច្ច។

តាមរយៈយន្តការនេះ រដ្ឋបាលថ្នាក់ក្រោមជាតិអាចទទួលបានព័ត៌មានត្រឡប់ និងស្វែងយល់កាន់តែច្បាស់អំពីបញ្ហាប្រឈមនៅតាមមូលដ្ឋាន ដែលជាមូលដ្ឋានគ្រឹះយ៉ាងសំខាន់ក្នុងការរៀបចំផែនការអភិវឌ្ឍន៍ និងការដោះស្រាយបញ្ហាបានទាន់ពេលវេលា និងចំគោលដៅ។

ជាមួយគ្នានេះលោក លី វុទ្ធី បានសង្កត់ធ្ងន់ថា គណៈអភិបាលខេត្តតែងតែយកចិត្តទុកដាក់ខ្ពស់ចំពោះរាល់កង្វល់ និងសំណូមពររបស់ប្រជាពលរដ្ឋ។ រាល់បញ្ហាប្រឈមដែលបានលើកឡើង ករណីអាចដោះស្រាយបានភ្លាមៗ អាជ្ញាធរ និងមន្ទីរជំនាញពាក់ព័ន្ធនឹងបកស្រាយ និងដោះស្រាយជូននៅកន្លែងតែម្ដង។ ដោយឡែក សំណើដែលទាមទារពេលវេលា ឬថវិកា នឹងត្រូវកត់ត្រាបញ្ចូលទៅក្នុងផែនការសកម្មភាព ដើម្បីចាត់វិធានការដោះស្រាយ ជាជំហានៗតាមនីតិវិធី។

លោក អ៊ូច សៅវឿន អភិបាលស្រុកពញាឮ និយាយដាក់មេក្រូលាន់កងរំពងថា «បើក្រុមហ៊ុនទឹកស្អាតអត់មានទឹកឲ្យពលរដ្ឋទេ ចេញតែខ្យល់ អ៊ីចឹងពលរដ្ឋយើងមិនបាច់បង់លុយទេ»។

រីឯសំណើសំណូមពររបស់ពលរដ្ឋជាង២៥០គ្រួសារ គ្មានទឹកស្អាតប្រើប្រាស់នោះ ក្នុងនាមអភិបាលស្រុកឡើងមកធ្វើមែនទែន មិនមែនមកដើរលេងទេ ដូច្នេះនឹងខិតខំដោះស្រាយឲ្យបានលឿនរហ័សជូនពលរដ្ឋឆាប់ៗនេះ។ រីឯសំណូមពរសុំឡានសង្គ្រោះបន្ទាន់សម្រាប់មណ្ឌលសុខភាពនីមួយៗវិញ លោកអភិបាលស្រុក សូមទុកករណីនេះជូនដល់មន្ទីរសុខាភិបាល ជួយដោះស្រាយផង ព្រោះបើគ្មានឡានសង្គ្រោះទេ ពិតជាលំបាកខ្លាំងណាស់។ និងសំណើសំណូមពរនានាផ្សេងទៀត ក៏លោកអភិបាលស្រុករូបនេះ ទទួលយកទៅដោះស្រាយតាមលំដាប់លំដោយផងដែរ។

សូមជម្រាបថា នៅក្នុងដំណើរការនៃវេទិកានេះ ប្រជាពលរដ្ឋដែលបានចូលរួម បានលើកឡើងនូវសំណួរ និងសំណូមពរ សរុបចំនួន ២៤ សំណើ/បញ្ហា។ ជាលាយលក្ខណ៍អក្សរ បានទទួលក្រដាស/លិខិតចំនួន ៧ ស្មើនឹង ១១ សំណើ/បញ្ហា និងផ្ទាល់មាត់ចំនួន ៩ ស្មើនឹង ១៣ សំណើ/បញ្ហា។ សំណើទាំងនោះផ្ដោតសំខាន់លើពាក់ព័ន្ធនឹងផ្លូវ ស្ពាន ចំនួន ២ ពាក់ព័ន្ធនឹងទឹក ចំនួន ២ ពាក់ព័ន្ធនឹងអគ្គិសនី ៤ និងសំណើផ្សេងៗចំនួន ១៦៕