* សម្តេចមហាបវរធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់សមិទ្ធផលកែលំអហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រមន្ទីរពេទ្យបង្អែកស្រុកចំនួន៦១កន្លែង នាព្រឹកថ្ងៃទី១៩ ខែវិច្ឆិកា ឆ្នាំ២០២៦
* បង់ក្លាដែសដាក់ពង្រាយកងកម្លាំង ទប់ស្កាត់ភាពវឹកវរជុំវិញគម្រោងវិលត្រឡប់របស់លោកស្រី ហាស៊ីណា
* វិភាគអន្តរជាតិ៖ ហេតុអ្វីចិនប្រកែកមិនចង់ចូលរួមសន្ធិសញ្ញាគ្រប់គ្រងអាវុធនុយក្លេអ៊ែរជាមួយអាមេរិក និងរុស្ស៉ី?
* «ភូមិហ្វ្រង់កូហ្វូនី» រយៈពេល៥ថ្ងៃ មានភ្ញៀវទេសចរជាង៦៦ម៉ឺននាក់ ចូលរួមទស្សនា
* Fresh Exclusive: សម្ពាធការទូតពីភ្នំពេញដល់ម៉ានីល៖ ការមិនគោរពកិច្ចព្រមព្រៀង និងការគេចវេសរបស់ថៃ ត្រូវបានលាតត្រដាងលើឆាកអន្តរជាតិ
* ជួបសម្តេចមហាបវរធិបតី, ឯកអគ្គរដ្ឋទូតអាមេរិក បានបញ្ជាក់ថា អាមេរិក នៅតែបន្តជំរុញការអនុវត្តសេចក្តីថ្លែងការណ៍រួមទីក្រុងកូឡាឡាំពួលើបញ្ហាព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* លោក ដូណាល់ ត្រាំ ថាអាមេរិកកំពុងពង្រីកកិច្ចសហប្រតិបត្តិការផ្នែកការពារជាតិជាមួយហ្វីលីពីន
* ទោះបីជាពេលវេលាតែមួយថ្ងៃ តែសម្តេចធិបតី ហ៊ុន ម៉ាណែត បានចូលរួមកិច្ចប្រជុំកំពូលរហូតដល់៧ និងជំនួបទ្វេភាគីចំនួន២ ដោយគ្រប់នាទីសុទ្ធតែមានតម្លៃ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

កម្ពុជាត្រៀមខ្លួនធ្វើជាម្ចាស់ផ្ទះ កិច្ចប្រជុំមេបញ្ជាការកងទ័ពជើងគោកអាស៊ាន (ACAMM) ឆ្នាំ២០២៧ ជាលើកដំបូង

18-11-2026 18:43

(ម៉ាឡេស៊ី)៖ កងទ័ពជើងគោក នៃកងយោធពលខេមរភូមិន្ទ បានទទួលភារកិច្ចពីកងទ័ពជើងគោកម៉ាឡេស៊ី រៀបចំធ្វើជាម្ចាស់ផ្ទះ កិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ក្នុងឆ្នាំ២០២៧ ជាលើកដំបូង។

ពិធីប្រគល់–ទទួលនេះ បានប្រព្រឹត្តទៅក្នុងឱកាស ដែលនាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក ដឹកនាំគណៈប្រតិភូចូលរួមកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន លើកទី២៧ នាថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ាឡាកា ប្រទេសម៉ាឡេស៊ី ក្រោមប្រធានបទ «ការជំរុញការត្រៀមលក្ខណៈរួមរបស់កងទ័ពជើងគោកអាស៊ាន ដើម្បីតំបន់មួយប្រកបដោយស្ថិរភាព និងសន្តិសុខ»។

នៅក្នុងកិច្ចប្រជុំតុមូល នាយឧត្តមសេនីយ៍ ម៉ៅ សុផាន់ បានចែករំលែកទស្សនៈរបស់កម្ពុជា ស្តីពីការលើកកម្ពស់កិច្ចសហប្រតិបត្តិការជាក់ស្តែងតាមរយៈការចូលរួមពហុភាគី ដោយបានសង្កត់ធ្ងន់លើការកសាងទំនុកចិត្ត កិច្ចសន្ទនាបើកចំហ និងការគោរពអធិបតេយ្យភាព ឯករាជ្យភាព និងបូរណភាពទឹកដីរបស់ប្រទេសនីមួយៗ ស្របតាមច្បាប់អន្តរជាតិ។

កិច្ចប្រជុំបានអនុម័តសេចក្តីថ្លែងការណ៍រួម ដែលកំណត់ទិសដៅសំខាន់ចំនួន៥ រួមមាន៖ (១) ការពង្រឹងការត្រៀមលក្ខណៈរួម (២) ការចែករំលែកព័ត៌មាន និងការផ្លាស់ប្តូរវិជ្ជាជីវៈ (៣) ការលើកកម្ពស់កិច្ចសហប្រតិបត្តិការជាក់ស្តែង (៤) ការជំរុញអន្តរប្រតិបត្តិការ និងការកសាងសមត្ថភាព (៥) ព្រមទាំងការអភិវឌ្ឍសមត្ថភាពកងទ័ពប្រកបដោយភាពធន់ និងចីរភាព។

នៅក្នុងឱកាសចូលរួមកិច្ចប្រជុំនេះ នាយឧត្តមសេនីយ៍ ម៉ៅ សុផាន់ ក៏បានជួបពិភាក្សាទ្វេភាគីជាមួយសមភាគីនៃបណ្តាប្រទេសសមាជិកអាស៊ាន ដើម្បីពង្រឹងទំនាក់ទំនងមិត្តភាព និងពិនិត្យទិសដៅពង្រីកកិច្ចសហប្រតិបត្តិការរវាងកងទ័ពជើងគោក ជាពិសេសការបណ្តុះបណ្តាលធនធានមនុស្ស ការផ្លាស់ប្តូរបទពិសោធន៍ជំនាញ និងការផ្លាស់ប្តូរទស្សនកិច្ច។

គូសបញ្ជាក់ផងដែរថា កិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ត្រូវបានរៀបចំជារៀងរាល់ឆ្នាំ ក្នុងគោលបំណងពង្រឹងមិត្តភាព ទំនុកចិត្ត និងកិច្ចសហប្រតិបត្តិការរវាងកងទ័ពជើងគោក នៃប្រទេសសមាជិកអាស៊ាន តាមរយៈកិច្ចសន្ទនា ការផ្លាស់ប្តូរបទពិសោធន៍ និងការលើកកម្ពស់ភាពជាអ្នកដឹកនាំ ដើម្បីរួមចំណែកថែរក្សាសន្តិភាព ស្ថិរភាព និងសន្តិសុខក្នុងតំបន់៕