* សម្តេចមហាបវរធិបតី ហ៊ុន ម៉ាណែត មានប្រសាសន៍ថា អង្គការអន្តរជាតិហ្វ្រង់កូហ្វូនី បានបង្ហាញការព្រួយបារម្ភចំពោះស្ថានការណ៍ព្រំដែនកម្ពុជា និងថៃ ជាពិសេសគាំទ្រជំហកម្ពុជា ក្នុងការដោះស្រាយបញ្ហាដោយសន្តិវិធី និងផ្អែកលើច្បាប់អន្តរជាតិ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្រុមហ៊ុនជប៉ុន បានសម្រេចបោះទុនវិនិយោគផលិតគ្រាប់ខ្ចៅផ្តាច់មុខ ដើម្បីចែកចាយទៅប្រទេសផ្សេងៗនៅក្នុងតំបន់
* សម្តេចមហាបវរធិបតី ហ៊ុន ម៉ាណែទ មានប្រសាសន៍ថា កម្ពុជា បានចរចាពន្ធជាមួយអាមេរិកតាំងពីមួយឆ្នាំមុន។ សម្តេចបញ្ជាក់តបទៅនឹងចម្ងល់ពលរដ្ឋមួយចំនួន ពេលឃើញអាមេរិក និងថៃ ចុះកិច្ចព្រមព្រៀងលើបញ្ហាពន្ធនៅប្រទេសហ្វីលីពីន។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្នុងពិធីជប់លៀងជាងមួយម៉ោងរវាងមេដឹកនាំអាស៊ាន និងលោក ដូណាល់ ត្រាំ ប្រធានាធិបតីអាមេរិក នៅប្រទេសហ្វីលីពីន សម្តេចបានអរគុណលោក ដូណាល់ ត្រាំ សម្រាប់ការជួយឱ្យមានសេចក្តីថ្លែងការណ៍រួមនៅកូឡាឡាំពួរ។ សម្តេចបន្តថា លោក ត្រាំ ប្រកាសបន្តជួយឱ្យមានការអនុវត្តពេញលេញលើសេចក្តីថ្លែងការណ៍រួមនោះ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរៀបចំកិច្ចប្រជុំកំពូលហ្វ្រង់កូហ្វូនីនៅកម្ពុជា ជាឱកាសសម្រាប់កម្ពុជាលើកបង្ហាញពីបញ្ហា និងការរងគ្រោះរបស់កម្ពុជាបណ្តាលពីជម្លោះព្រំដែនជាមួយថៃ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការសម្រេចរបស់អង្គការអន្តរជាតិហ្វ្រង់កូហ្វូនី បើកការិយាល័យសហប្រតិបត្តិការសេដ្ឋកិច្ចនៅកម្ពុជា ដើម្បីជាច្រកអាស៊ាន និងហ្វ្រង់កូហ្វូនី គឺជាផលប្រយោជន៍ដ៏ធំសម្រាប់កម្ពុជា។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ថវិកាដែលចំណាយ១៥លានដុល្លារនេះ គឺចាយដើម្បីពង្រឹងកម្ពុជា។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា កិច្ចប្រជុំកំពូលហ្វ្រង់កូហ្វូនីលើកទី២០ រដ្ឋចាយអស់ ១៥លានដុល្លារ ក្រៅពីនោះមានការចូលរួមពីអង្គការអន្តរជាតិហ្វ្រង់កូហ្វូនី កាណាដា និងវិស័យឯកជន។ សម្តេចមហាបវរធិបតី មានប្រសាសន៍ថា ការរៀបចំត្រូវបានរឹតត្បិតការចំណាយ ហើយធ្វើឱ្យចំគោលដៅ។
* សម្តេចមហាបវរធិបតី ហ៊ុន ម៉ាណែត សម្តែងការហួសចិត្តចំពោះលោក សម រង្ស៊ី ដែលចុះផ្សាយវាយប្រហារលើការរៀបចំកិច្ចប្រជុំកំពូលហ្វ្រង់កូហ្វូនី រហូតដល់សារព័ត៌មានថៃយកទៅចុះផ្សាយបន្ត។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ព្រឹត្តិការណ៍ហ្វ្រង់កូហ្វូនី ជារឿងមោទនភាពសម្រាប់កម្ពុជា ហើយជាកេរដំណែលប្រវត្តិសាស្ត្រ ដែលសម្តេចព្រះបរមរតនកោដ្ឋជាស្ថាបនិកមួយអង្គ ជាមួយស្ថាបនិក៣រូបផ្សេងទៀត។
* សម្តេចមហាបវរធិបតី ហ៊ុន ម៉ាណែត បានថ្លែងអំណរគុណដល់ប្រជាពលរដ្ឋខ្មែរទូទាំងប្រទេស ដែលបានចូលរួមគាំទ្រ អបអរសាទរ និងរួមគ្នាបដិសណ្ឋារកិច្ចមេដឹកនាំប្រទេសនានាក្នុងឱកាសកម្ពុជាធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីលើកទី២០ ដែលទើបនឹងបញ្ចប់ទៅថ្មីៗនេះ។
* សម្តេចមហាបវរធិបតី ហ៊ុន ម៉ាណែត ណែនាំគ្រូពេទ្យ និងបុគ្គលិកបច្ចេកទេស, ទាំងក្នុងវិស័យសាធារណៈ និងឯកជន ត្រូវបង្កើនការយកចិត្តទុកដាក់លើសេវាបង្ការ និងសេវាព្យាបាលបឋម ដើម្បីទប់ស្កាត់ការវិវត្តនៃជំងឺទៅកាន់ស្ថានភាពធ្ងន់ធ្ងរ ឬ រ៉ាំរ៉ៃ ដែលធ្វើឱ្យអ្នកជំងឺ ឬ គ្រួសារអ្នកជំងឺត្រូវចំណាយច្រើន ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ឯកទេសព្យាបាលជំងឺមួយចំនួន ដូចជាការវះកាត់បេះដូងជាដើម គឺអាចវះកាត់នៅកម្ពុជា ដោយមិនបាច់ចេញទៅក្រៅប្រទេសនោះទេ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្នុងរយៈពេលជិត ៥០ឆ្នាំកន្លងមកនេះ កម្ពុជាសម្រេចបានវឌ្ឍនភាពគួរជាទីមោទនៈ, ឆ្លុះបញ្ចាំងតាមរយៈការពង្រីកបណ្តាញមន្ទីរពេទ្យជាតិ មន្ទីរពេទ្យបង្អែកខេត្ត មន្ទីរពេទ្យបង្អែកស្រុក មណ្ឌលសុខភាព និង ប៉ុស្តិ៍សុខភាព ព្រមទាំងការបង្កើនសមត្ថភាពពិគ្រោះ ធ្វើរោគវិនិច្ឆ័យ និងព្យាបាលជំងឺជាលំដាប់។
* សម្តេចមហាបវរធិបតី ហ៊ុន ម៉ាណែត បានណែនាំឱ្យក្រុមការងារថ្នាក់ជាតិចុះជួយតាមខេត្តនានា អញ្ជើញទៅសម្ពោធដាក់ឱ្យដំណើរការកែលំអហេដ្ឋារចនាសម្ព័ន្ធ និងការបំពាក់សម្ភារបរិក្ខារនៅតាមមន្ទីរពេទ្យបង្អែកស្រុក ដែលត្រូវបានអនុវត្តក្នុងនីតិកាលថ្មីនេះ។
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

សម្តេចប​វរ​ធិបតី ហ៊ុន ម៉ាណែត ថ្លែងអំណរគុណដល់គ្រប់ភាគីដែលបានរួមចំណែកធ្វើឲ្យកិច្ចប្រជុំកំពូលហ្វ្រង់កូហ្វូនីទទួលបានជោគជ័យ​ និងរួមគ្នាលើកកិត្យា​នុភាពជាតិ

19-11-2026 12:24

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងអំណរគុណ​ចំពោះគណៈកម្មការរៀបចំ កម្លាំងសមត្ថកិច្ច អ្នកសិល្បៈ អ្នកសារព័ត៌មាន អ្នកធ្វើធុរកិច្ច អ្នកមានឥទ្ធិពលលើបណ្តាញសង្គម ព្រមទាំងប្រជាពលរដ្ឋទាំងអស់ ដែលបានរួមគ្នាធ្វើឲ្យកិច្ចប្រជុំកំពូលហ្វ្រង់កូហ្វូនីលើកទី១៩ សម្រេចបានដោយជោគជ័យដ៏ត្រចះត្រចង់ ​បើទោះបីជាចំណាយថវិកាអស់តិច១៥លានដុល្លារក៏ដោយ តែទាញបានផលមិនអាចគណនាបាន។

ការថ្លែងអំណរគុណនេះ ​ធ្វើឡើងក្នុងឱកាសដែលសម្តេចអញ្ជើញសម្ពោធប្រើប្រាស់សមិទ្ធផលកែលម្អហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រមន្ទីរពេទ្យបង្អែកស្រុក ចំនួន៦១កន្លែង នៅស្រុកបាធាយ ខេត្តកំពង់ចាម នា​ថ្ងៃទី១៩ ខែវិច្ឆិកា ឆ្នាំ២០២៦នេះ។

សម្តេចបានកោតសរសើរដល់ក្រុមការងារពាក់ព័ន្ធទាំងអស់ ជាពិសេសសាលារាជធានីភ្នំពេញ ដែលបានរៀបចំសណ្តាប់ធ្នាប់ សន្តិសុខ និងបរិស្ថានបានយ៉ាងល្អប្រសើរ។ ​

សម្តេចប​វរ​ធិបតី ហ៊ុន ម៉ាណែត បានគូសបញ្ជាក់បន្ថែមថា «​ក្រុមការងារពាក់ព័ន្ធទាំងអស់ដែលទទួលការរៀបចំសណ្តាប់ធ្នាប់ស​ន្តិសុខបរិស្ថាន ជាពិសេសសាលារាជធានីភ្នំពេញ ដែលធ្វើបានល្អ ​សន្តិសុខសណ្តាប់ធ្នាប់ល្អ មិនឱ្យមានសំរាមផ្សេងៗ ហើយក៏អរគុណទៅដល់បណ្តាខេត្តនានាដែលបានចូលរួមក្នុងការតាំងពិព័រណ៍។ អរគុណដល់សិល្បករ សិល្បៈការិនី ក្រុមបដិសណ្ឋាកិច្ច ជាងគំនូរ អ្នកតម្បាញ សមាគមសិល្បៈ សមាគមន៍ចំណីអាហារ សមាគមនានាដែលពាក់ព័ន្ធ និងអ្នកពាក់ព័ន្ធទាំងអស់ដែលបាន រួមបង្ហាញពីសិល្បៈវប្បធម៌ដ៏ល្អផូផង់របស់​យើង ការផ្សព្វផ្សាយទេសចរណ៍ផ្សេង»។

ជាមួយ​គ្នានេះ សម្តេចបានថ្លែងអំណរគុណចំពោះបណ្តាញសារព័ត៌មានជាតិ និងអន្តរជាតិ ដែលបានបំពេញតួនាទី ដ៏ល្អក្នុងការផ្សព្វផ្សាយ​​ពីកម្ពុជា តាមរយៈព្រឹត្តិការណ៍ហ្វ្រង់កូហ្វូនី។ បន្ថែមពីនេះសម្តេចបានអរគុណដល់វិស័យឯកជនដែលបានចាប់យកឱកាសផ្សព្វផ្សាយពីសក្តានុពលកម្ពុជា និងរួមចំណែកទាក់ម៉ូយ ដែលជាការរួមគ្នាក្នុងការទាញការវិនិយោគបន្ថែមទៀតមកកម្ពុជា។

​លើសពីនេះ សម្តេចបានថ្លែងអំណរគុណដល់ប្រជាពលរដ្ឋខ្មែរទាំងអស់ ទាំងក្នុង និងក្រៅប្រទេសដែលបានផ្តល់ការរាក់ទាក់ ភាពកក់ក្តៅទៅកាន់ភ្ញៀវ ​ប្រធានាធិបតីបារាំង និងថ្នាក់ដឹកនាំប្រទេសនានា ដែលបង្ហាញពីភាពថ្លៃថ្លូ និងសីលធម៌ខ្មែរ។ទន្ទឹមគ្នា សម្តេចក៏បានថ្លែងងអំណរ និងកោតសរសើរចំពោះយុវជននិងអ្នកមានឥទ្ធិពលលើបណ្តាញសង្គមដែលបានជួយផ្សព្វផ្សាយយ៉ាងផុសផុលផងដែរ។

​សម្តេចប​វរ​ធិបតី ហ៊ុន ម៉ាណែត បានសង្កត់ធ្ងន់ថា សកម្មភាពទាំងនេះ គឺបានសបញ្ជាក់ពីការរួបរួមគ្នារបស់ពលរដ្ឋខ្មែរ ក្នុងការបង្ហាញពីកិត្យានុភាពរបស់ជាតិលើឆាកអន្តរជាតិ។​​ ហើយទោះបីជាកិច្ចប្រជុំនេះចំណាយថវិកាប្រមាណ ១៥លានដុល្លារអាមេរិកក៏ដោយ ក៏កម្ពុជាទទួលបានផលប្រយោជន៍មិនអាចគណនាបាន។

កិច្ចប្រជុំកំពូលនេះបាននាំមកនូវផលប្រយោជន៍សេដ្ឋកិច្ចយ៉ាងធំធេង រួមមានការសិក្សាវិនិយោគ និងការចុះកិច្ចព្រមព្រៀងនានា។ ការសម្រេចបើកការិយាល័យសហប្រតិបត្តិការសេដ្ឋកិច្ចរបស់អង្គការហ្វ្រង់កូហ្វូនីនៅកម្ពុជា ដែលជាច្រកដ៏សំខាន់សម្រាប់អាស៊ាន និងហ្វ្រង់កូហ្វូនី។ លើសពីនេះ កិច្ចប្រជុំនេះក៏ជាឱកាសផ្សព្វផ្សាយមរតកវប្បធម៌ខ្មែរ និងបង្ហាញពីសន្តិសុខ សុវត្ថិភាពរបស់កម្ពុជាទៅកាន់ពិភពលោក ដែលបានលាងជម្រះការចោទប្រកាន់ពីបញ្ហាអសន្តិសុខកន្លងមក៕