* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* តុលាការយុត្តិធម៌អន្តរជាតិ រកឃើញថាកងកម្លាំងមីយ៉ាន់ម៉ាសម្លាប់ជនជាតិរ៉ូហ៊ីងយ៉ារាប់ពាន់នាក់
* វិភាគអន្តរជាតិ៖ ដាក់ពង្រាយយន្ដហោះយោធាហោះឆ្វែលអាស៊ី អ្វីទៅជាសារដែលរុស្ស៉ីចង់បញ្ជូន?
* មេសិទ្ធិមនុស្សកម្ពុជា បន្តលាតត្រដាងទង្វើរំលោភសិទ្ធិមនុស្ស របស់យោធាថៃ មកលើពលរដ្ឋស្លូតត្រង់កម្ពុជា ប្រាប់អង្គការពិភពលោកប្រឆាំងទារុណកម្ម
* លោក ស៊ី ជីនពីង អំពាវនាវឱ្យចិន រុស្ស៊ី និងអាមេរិក គួរធ្វើជាគំរូនៃកិច្ចសហប្រតិបត្តិការ ដើម្បីឆ្លើយតបបញ្ហាប្រឈមសកល ហើយរួមគ្នាថែរក្សាសន្តិភាព និងស្ថិរភាពពិភពលោក
* លោក ត្រាំ ប្រាប់លោក ស៉ី និងលោក ពូទីន៖ «ក្នុងនាមជាកំពូលមហាអំណាចទាំង៣ យើងមានទំនួលខុសត្រូវពិសេស មិនមែនសម្រាប់ត្រឹមប្រជាជនយើងទេ ប៉ុន្តែសម្រាប់ពិភពលោកទាំងមូល»
* រដ្ឋមន្ត្រី នេត្រ ភក្ត្រា៖ ក្រសួងព័ត៌មាននឹងមិនអនុញ្ញាតឱ្យជនទុច្ចរិត ប្រើអាជ្ញាបណ្ណសារព័ត៌មានដើរបង្កចលាចលសង្គមឡើយ
* លោក ពូទីន៖ មហាអំណាចរុស្ស៉ី-ចិន-អាមេរិក មានការទទួលខុសត្រូវរួម ក្នុងការថែរក្សាសន្តិភាពនិងសន្តិសុខអន្តរជាតិ
* ប្រធានាធិបតីសាធារណរដ្ឋកូរ៉េ ថ្លែងអំណរគុណសម្តេចតេជោ ហ៊ុន សែន ចំពោះសារអបអរសាទររបស់សម្តេច ក្នុងឱកាសលើកទី៤៣៥៨ ទិវាបង្កើតជាតិនៃសាធារណរដ្ឋកូរ៉េ
* អ៉ីរ៉ាក់សម្រេចប្រកាសបិទការប្រើប្រាស់ Telegram ជាលើកទី២នៅក្នុងឆ្នាំនេះ
* កម្ពុជា-ថៃ នឹងជួបប្រជុំលើកទី៣ ក្រោមយន្តការផ្សះផ្សា UNCLOS នៅម៉ាឡេស៊ី ពីថ្ងៃទី២៤-២៦ ខែវិច្ឆិកា ដើម្បីពិភាក្សាបច្ចេកទេសកំណត់ព្រំដែនសមុទ្រ
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា អង្គការអន្តរជាតិហ្វ្រង់កូហ្វូនី បានបង្ហាញការព្រួយបារម្ភចំពោះស្ថានការណ៍ព្រំដែនកម្ពុជា និងថៃ ជាពិសេសគាំទ្រជំហកម្ពុជា ក្នុងការដោះស្រាយបញ្ហាដោយសន្តិវិធី និងផ្អែកលើច្បាប់អន្តរជាតិ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្រុមហ៊ុនជប៉ុន បានសម្រេចបោះទុនវិនិយោគផលិតគ្រាប់ខ្ចៅផ្តាច់មុខ ដើម្បីចែកចាយទៅប្រទេសផ្សេងៗនៅក្នុងតំបន់
* សម្តេចមហាបវរធិបតី ហ៊ុន ម៉ាណែទ មានប្រសាសន៍ថា កម្ពុជា បានចរចាពន្ធជាមួយអាមេរិកតាំងពីមួយឆ្នាំមុន។ សម្តេចបញ្ជាក់តបទៅនឹងចម្ងល់ពលរដ្ឋមួយចំនួន ពេលឃើញអាមេរិក និងថៃ ចុះកិច្ចព្រមព្រៀងលើបញ្ហាពន្ធនៅប្រទេសហ្វីលីពីន។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្នុងពិធីជប់លៀងជាងមួយម៉ោងរវាងមេដឹកនាំអាស៊ាន និងលោក ដូណាល់ ត្រាំ ប្រធានាធិបតីអាមេរិក នៅប្រទេសហ្វីលីពីន សម្តេចបានអរគុណលោក ដូណាល់ ត្រាំ សម្រាប់ការជួយឱ្យមានសេចក្តីថ្លែងការណ៍រួមនៅកូឡាឡាំពួរ។ សម្តេចបន្តថា លោក ត្រាំ ប្រកាសបន្តជួយឱ្យមានការអនុវត្តពេញលេញលើសេចក្តីថ្លែងការណ៍រួមនោះ។
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

ទេសាភិបាលរងធនាគារជាតិ លើកទឹកចិត្តសិស្សានុសិស្ស ប្រឹងប្រែងរៀនសូត្រឲ្យបានខ្លាំងក្លា ទើបអាចដើរទាន់បច្ចេកវិទ្យាបញ្ញាសប្បនិម្មិត!

19-11-2026 16:33

(កំពង់ធំ)៖ លោក ស៊ុំ សន្និសិទ្ធ ទេសាភិបាលរង ធនាគារជាតិនៃកម្ពុជា បានលើកទឹកចិត្តដល់ក្មួយៗសិស្សានុសិស្សទាំងអស់ ឲ្យបន្តយកចិត្តទុកដាក់ខិតខំរៀនសូត្រ និងប្រឹងប្រែងអភិវឌ្ឍសមត្ថភាព លើការប្រើប្រាស់បច្ចេកវិទ្យា និងបញ្ញាសិប្បនិម្មិត (AI) ។

ក្នុងពិធីសម្ពោធដាក់ឲ្យប្រើប្រាស់អគារសិក្សា១ខ្នង ៣បន្ទប់ នៅអនុវិទ្យាល័យទីពោ ស្រុកសន្ទុក ខេត្តកំពង់ធំ នៅថ្ងៃទី១៩​ ខែវិច្ឆិកា ឆ្នាំ២០២៦នេះ លោក ស៊ុំ សន្និសិទ្ធ បានបញ្ជាក់ថា ទោះបីជា AI មានសមត្ថភាពខ្ពស់ ក្នុងការធ្វើកិច្ចការងារផ្សេងៗ ជំនួសមនុស្សបាន ប៉ុន្តែ AI មិនទាន់អាចធ្វើការងារមួយចំនួន ដែលមនុស្សអាចធ្វើបាន ដូចជាកាយវិការទន់ភ្លន់ ការឱនលំទោន ឬការនិយាយស្តីប្រកបដោយសីលធម៌ និងគុណធម៌នោះបានឡើយ។

លោកបានបន្ដថា «ដូច្នេះខ្ញុំសូមឲ្យក្មួយៗ ត្រូវខិតខំរៀនសូត្រ ស្តាប់បង្គាប់ ត្រូវមានសុជីវធម៌ល្អ និងចេះគោរពដឹងគុណឪពុកម្តាយ អាណាព្យាបាល និងលោកគ្រូ អ្នកគ្រូ។ លើសពីនេះក្មួយៗត្រូវយកចិត្តទុកដាក់ខិតខំរៀនសូត្រឲ្យបានខ្លាំងក្លា ដូចប្រសាសន៍ របស់សម្តេចធិបតី​នាយករដ្ឋមន្រ្តី តែងតែលើកឡើងថា (រៀនឲ្យចេះ រៀនឲ្យមានជំនាញ និងរៀនឲ្យមានការងារធ្វើ)។ ហើយត្រូវចាំថាភាពជោគជ័យ ក្នុងការសិក្សារបស់ក្មួយៗ គឺជាមោទនភាពរបស់មាតាបិតា អាណាព្យាបាល លោកគ្រូ អ្នកគ្រូ រាជរដ្ឋាភិបាល និងសប្បុរសជនដែលជាអ្នកឧបត្ថម្ភដែរ»។

លោកបានបញ្ជាក់ថា ដូចនេះទើបនៅក្រោមការដឹកនាំ ប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន ក្នុងអាណត្តិកន្លងទៅ និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ក្នុងអាណត្តិទី៧នេះ បានកំណត់វិស័យអប់រំ ជាអាទិភាពដ៏សំខាន់បំផុតមួយ ក្នុងការអភិវឌ្ឍសង្គម និងសេដ្ឋកិច្ចជាតិឲ្យមានភាពរឹងមាំ និងចីរភាព។ ជាមួយនេះរាជរដ្ឋាភិបាល ក៏បានបន្តខិតខំពង្រឹង និងអភិវឌ្ឍវិស័យអប់រំយ៉ាងសកម្ម ដូចជាការកែលម្អគុណភាពសិក្សា ការលើកកម្ពស់សមត្ថភាពគ្រូបង្រៀន ការផ្តល់បរិក្ខារសិក្សាដែលទាន់សម័យ ព្រមទាំងការសាងសង់អគារសិក្សាថ្មីៗទូទាំងប្រទេស ដើម្បីធានាថា សិស្សានុសិស្សគ្រប់ទីកន្លែង មានឱកាសស្មើៗគ្នា ទទួលបានការអប់រំប្រកបដោយគុណភាព។

លោក ស៊ុំ សន្និសិទ្ធ បានបន្ដថា អ្វីដែលសំខាន់នោះក្មួយៗត្រូវខិតខំរៀនសូត្រ ឲ្យក្លាយជាសិស្សឆ្នើម និងសិស្សពូកែ ឲ្យសមនឹងពាក្យស្លោក «ទំពាំងស្នងឬស្សី» របស់ជាតិយើង ហើយដើម្បីសម្រេចឲ្យលទ្ធផលល្អទាំងនេះ រាល់ពេលទំនេរក្មួយៗត្រូវ បង្កើតទម្លាប់អានសៀវភៅ ព្រោះសៀវភៅជាឃ្លាំងចំណេះដឹង ដើម្បីអនាគតភ្លឺស្វាងរបស់យើង។

ក្នុងឱកាសលោកក៏បានប្រគល់អំណោយ របស់លោកស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា ជូនដល់អនុវិទ្យាល័យទីពោ ចំនួន២លានរៀល, មន្ត្រីការិយាល័យអបរំ យុវជន និងកីឡា ចំនួន១២រូប ដោយក្នុងម្នាក់ៗទទួលបានក្រមា១ និងថវិកា៣ម៉ឺនរៀល។

ក្នុងនោះបានប្រគល់ជូនមេឃុំ ក្រុមប្រឹក្សាឃុំ មេភូមិ និងក្រុមប្រឹក្សាភូមិចំនួន២១រូប ក្នុងម្នាក់ៗទទួលបានក្រមា១ និងថវិកា ៣ម៉ឺនរៀល។ ផ្ដល់ជូនលោកគ្រូ-អ្នកគ្រូ អនុវិទ្យាល័យទីពោ​ចំនួន១៣រូប ក្នុងម្នាក់ៗទទួលបានក្រមា១ និងថវិកា ៣ម៉ឺនរៀល និងសិស្សានុសិស្ស អនុវិទ្យាល័យទីពោចំនួន៣២៧រូប ក្នុងម្នាក់ៗទទួលបានឃីត១កញ្ចប់ ដែលមានសៀវភៅ ២ក្បាល, ប៊ិច ២ដើម, ខ្មៅដៃ ២ដើម, ជ័រលុប ១, បន្ទាត់ ១ និងប្រដាប់ខួងខ្មៅដៃ ១) និងថវិកា ១ម៉ឺនរៀល៕