* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* តុលាការយុត្តិធម៌អន្តរជាតិ រកឃើញថាកងកម្លាំងមីយ៉ាន់ម៉ាសម្លាប់ជនជាតិរ៉ូហ៊ីងយ៉ារាប់ពាន់នាក់
* វិភាគអន្តរជាតិ៖ ដាក់ពង្រាយយន្ដហោះយោធាហោះឆ្វែលអាស៊ី អ្វីទៅជាសារដែលរុស្ស៉ីចង់បញ្ជូន?
* មេសិទ្ធិមនុស្សកម្ពុជា បន្តលាតត្រដាងទង្វើរំលោភសិទ្ធិមនុស្ស របស់យោធាថៃ មកលើពលរដ្ឋស្លូតត្រង់កម្ពុជា ប្រាប់អង្គការពិភពលោកប្រឆាំងទារុណកម្ម
* លោក ស៊ី ជីនពីង អំពាវនាវឱ្យចិន រុស្ស៊ី និងអាមេរិក គួរធ្វើជាគំរូនៃកិច្ចសហប្រតិបត្តិការ ដើម្បីឆ្លើយតបបញ្ហាប្រឈមសកល ហើយរួមគ្នាថែរក្សាសន្តិភាព និងស្ថិរភាពពិភពលោក
* លោក ត្រាំ ប្រាប់លោក ស៉ី និងលោក ពូទីន៖ «ក្នុងនាមជាកំពូលមហាអំណាចទាំង៣ យើងមានទំនួលខុសត្រូវពិសេស មិនមែនសម្រាប់ត្រឹមប្រជាជនយើងទេ ប៉ុន្តែសម្រាប់ពិភពលោកទាំងមូល»
* រដ្ឋមន្ត្រី នេត្រ ភក្ត្រា៖ ក្រសួងព័ត៌មាននឹងមិនអនុញ្ញាតឱ្យជនទុច្ចរិត ប្រើអាជ្ញាបណ្ណសារព័ត៌មានដើរបង្កចលាចលសង្គមឡើយ
* លោក ពូទីន៖ មហាអំណាចរុស្ស៉ី-ចិន-អាមេរិក មានការទទួលខុសត្រូវរួម ក្នុងការថែរក្សាសន្តិភាពនិងសន្តិសុខអន្តរជាតិ
* ប្រធានាធិបតីសាធារណរដ្ឋកូរ៉េ ថ្លែងអំណរគុណសម្តេចតេជោ ហ៊ុន សែន ចំពោះសារអបអរសាទររបស់សម្តេច ក្នុងឱកាសលើកទី៤៣៥៨ ទិវាបង្កើតជាតិនៃសាធារណរដ្ឋកូរ៉េ
* អ៉ីរ៉ាក់សម្រេចប្រកាសបិទការប្រើប្រាស់ Telegram ជាលើកទី២នៅក្នុងឆ្នាំនេះ
* កម្ពុជា-ថៃ នឹងជួបប្រជុំលើកទី៣ ក្រោមយន្តការផ្សះផ្សា UNCLOS នៅម៉ាឡេស៊ី ពីថ្ងៃទី២៤-២៦ ខែវិច្ឆិកា ដើម្បីពិភាក្សាបច្ចេកទេសកំណត់ព្រំដែនសមុទ្រ
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា អង្គការអន្តរជាតិហ្វ្រង់កូហ្វូនី បានបង្ហាញការព្រួយបារម្ភចំពោះស្ថានការណ៍ព្រំដែនកម្ពុជា និងថៃ ជាពិសេសគាំទ្រជំហកម្ពុជា ក្នុងការដោះស្រាយបញ្ហាដោយសន្តិវិធី និងផ្អែកលើច្បាប់អន្តរជាតិ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្រុមហ៊ុនជប៉ុន បានសម្រេចបោះទុនវិនិយោគផលិតគ្រាប់ខ្ចៅផ្តាច់មុខ ដើម្បីចែកចាយទៅប្រទេសផ្សេងៗនៅក្នុងតំបន់
* សម្តេចមហាបវរធិបតី ហ៊ុន ម៉ាណែទ មានប្រសាសន៍ថា កម្ពុជា បានចរចាពន្ធជាមួយអាមេរិកតាំងពីមួយឆ្នាំមុន។ សម្តេចបញ្ជាក់តបទៅនឹងចម្ងល់ពលរដ្ឋមួយចំនួន ពេលឃើញអាមេរិក និងថៃ ចុះកិច្ចព្រមព្រៀងលើបញ្ហាពន្ធនៅប្រទេសហ្វីលីពីន។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្នុងពិធីជប់លៀងជាងមួយម៉ោងរវាងមេដឹកនាំអាស៊ាន និងលោក ដូណាល់ ត្រាំ ប្រធានាធិបតីអាមេរិក នៅប្រទេសហ្វីលីពីន សម្តេចបានអរគុណលោក ដូណាល់ ត្រាំ សម្រាប់ការជួយឱ្យមានសេចក្តីថ្លែងការណ៍រួមនៅកូឡាឡាំពួរ។ សម្តេចបន្តថា លោក ត្រាំ ប្រកាសបន្តជួយឱ្យមានការអនុវត្តពេញលេញលើសេចក្តីថ្លែងការណ៍រួមនោះ។
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

លោកបណ្ឌិត យង់ ពៅ ជំរុញឱ្យមានការអភិវឌ្ឍភាសាខ្មែរឱ្យស្របតាមការរីកចម្រើននៃវិទ្យាសាស្ត្រ បច្ចេកវិទ្យា និងបញ្ញាសិប្បនិម្មិត

19-11-2026 17:34

(ភ្នំពេញ)៖ លោកបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា បានជំរុញឱ្យគ្រប់ស្ថាប័ន និងប្រជាពលរដ្ឋចូលរួមថែរក្សា ប្រើប្រាស់ និងអភិវឌ្ឍភាសាខ្មែរឱ្យកាន់តែសម្បូរបែប និងទំនើប ដោយបង្កើតពាក្យបច្ចេកទេសដែលអាចប្រើប្រាស់បានក្នុងគ្រប់វិស័យ ដើម្បីលើកកម្ពស់ការអប់រំផ្នែកវិទ្យាសាស្ត្រ និងបច្ចេកវិទ្យា ជាពិសេសក្នុងយុគសម័យឌីជីថល និងបញ្ញាសិប្បនិម្មិត។

ការជរុញបែបនេះរបស់ លោកបណ្ឌិត យង់ ពៅ បានធ្វើឡើងនៅព្រឹកថ្ងៃទី១៩ ខែវិច្ឆិកា ឆ្នាំ២០២៦ ក្នុងសិក្ខាសាលាស្តីពី «ការបន្ថែមសូរអាននៃមេពាក្យ ជាសញ្ញាសូរអន្តរជាតិ ក្នុងវចនានុក្រមខ្មែរឆ្នាំ២០២២» និងការផ្សព្វផ្សាយសទ្ទានុក្រមគណិតវិទ្យា សទ្ទានុក្រមប្រវត្តិវិទ្យា និងព្រឹត្តិបត្រលេខ១៥ របស់ក្រុមប្រឹក្សាជាតិភាសាខ្មែរឆ្នាំ២០២៦ ដែលរៀបចំដោយក្រុមប្រឹក្សាជាតិភាសាខ្មែរ នៃរាជបណ្ឌិត្យសភាកម្ពុជា។

លោកបណ្ឌិត យង់ ពៅ បានលើកឡើងយ៉ាងដូច្នេះថា ការអភិវឌ្ឍភាសាខ្មែរ ដើម្បីឱ្យមានពាក្យបច្ចេកទេសអាចប្រើប្រាស់ បានក្នុងគ្រប់វិស័យនឹងជួយលើកកម្ពស់ការអប់រំវិទ្យាសាស្ត្រ និងបច្ចេកវិទ្យា។ ជាពិសេស ក្នុងយុគសម័យឌីជីថល និងបញ្ញាសិប្បនិម្មិត ភាសាខ្មែរត្រូវតែមានវត្តមានក្នុងប្រព័ន្ធ បច្ចេកវិទ្យាទំនើប ដើម្បីបង្កើនឱកាសទទួលបាននូវចំណេះដឹង និងការប្រកួតប្រជែងលើ ឆាកអន្តរជាតិ។ ដូច្នេះ ការលើកកម្ពស់ភាសាជាតិមិនមែនជាការបដិសេធភាសាបរទេសទេ ប៉ុន្តែជាការពង្រឹងភាសាខ្មែរផង និងបើកទូលាយចំណេះដឹងសកលផង។

ជាមួយគ្នានេះ លោកបណ្ឌិតបានអំពាវនាវឱ្យមានការចូលរួមពីគ្រប់ភាគី ដោយផ្តោតលើចំណុចសំខាន់ៗចំនួន៥ រួមមាន៖ ទី១៖ គ្រប់ស្ថាប័ននិងប្រជាពលរដ្ឋទាំងអស់ចូលរួមថែរក្សា ប្រើប្រាស់ និងអភិវឌ្ឍ ភាសាខ្មែរឱ្យកាន់តែសម្បូរបែបនិងទំនើប ស្របតាមតម្រូវការនៃសម័យកាល, ទី២៖ រាជរដ្ឋាភិបាលចាំបាច់គួរកំណត់ស្តង់ដាបណ្តុះបណ្តាលភាសាខ្មែរ ដូចដែល សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានណែនាំ, ទី៣៖ ជំរុញឱ្យមានការប្រកួតប្រជែងនវានុវត្តន៍ភាសាខ្មែរ ឧទាហរណ៍ សំណេរ ការតែងនិពន្ធ គំរូអក្សរផ្ចង់គ្រប់សម័យកាល ទម្រង់អក្សរខ្មែរក្នុងឌីជីថល, ទី៤៖ ចៀសវាងភាន់ច្រឡំថា បញ្ហាភាសាជាបញ្ហារបស់ក្រុមមនុស្សណាមួយឬរបស់រាជបណ្ឌិត្យសភាកម្ពុជាជាដើម និងទី៥៖ យើងត្រូវហ៊ានវិនិយោគលើគម្រោងធ្វើមូលទិន្នន័យភាសាខ្មែរ។

ក្រៅពីនេះ លោកក៏បានលើកឡើងពីភាពចាំបាច់ក្នុងការជៀសវាងការយល់ច្រឡំថា បញ្ហាភាសាខ្មែរជាការទទួលខុសត្រូវរបស់ក្រុមមនុស្សណាមួយ ឬរបស់រាជបណ្ឌិត្យសភាកម្ពុជាតែមួយ ព្រមទាំងជំរុញឱ្យមានការវិនិយោគលើគម្រោងបង្កើតមូលដ្ឋានទិន្នន័យភាសាខ្មែរ។ លោកបណ្ឌិតក៏បានវាយតម្លៃថា សមិទ្ធផលទាំងនេះមានសារៈសំខាន់ក្នុងការរួមចំណែកថែរក្សា អត្តសញ្ញាណភាសាខ្មែរ និងជាឧបករណ៍ដ៏មានតម្លៃសម្រាប់ជាតិ។ ជាពិសេស ការងារទាំងនេះបានចូលរួមជំរុញការធ្វើឌីជីថលូបនីយកម្មភាសាខ្មែរ ឱ្យស្របតាមការវិវត្តនៃសង្គមក្នុងសម័យឌីជីថល។

លើសពីនេះ អគ្គលេខាធិការរូបនេះ បានបន្ថែមថា ការអភិរក្ស និងអភិវឌ្ឍភាសាខ្មែរឱ្យមានភាពរីកចម្រើន គឺជាការងារដែលត្រូវការការចូលរួមពីគ្រប់ភាគី និងត្រូវអនុវត្តឱ្យស្របតាមគោលនយោបាយជាតិស្តីពីភាសាខ្មែរ ព្រមទាំងយុទ្ធសាស្ត្របញ្ចកោណដំណាក់កាលទី១ នៃកម្មវិធីនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា ដើម្បីធានាថាភាសាខ្មែរអាចបន្តអភិវឌ្ឍ និងមានតួនាទីកាន់តែសំខាន់ក្នុងសង្គមជាតិ និងសកលលោកនាពេលអនាគត។

សូមជម្រាបដែរថា សិក្ខាសាលានេះ មានគោលបំណងបង្ហាញពីសមិទ្ធផលការងាររបស់ក្រុមប្រឹក្សាជាតិភាសាខ្មែរក្នុងឆ្នាំ២០២៦ ដែលរួមមាន សមិទ្ធផលនៃគម្រោង «ការបន្ថែមសូរអាននៃមេពាក្យជាសញ្ញាសូរអន្តរជាតិក្នុងវចនានុក្រមខ្មែរឆ្នាំ២០២២» ការផ្សព្វផ្សាយសទ្ទានុក្រមគណិតវិទ្យា សទ្ទានុក្រមប្រវត្តិវិទ្យា និងព្រឹត្តិបត្រលេខ១៥ របស់ក្រុមប្រឹក្សាជាតិភាសាខ្មែរ៕