* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* តុលាការយុត្តិធម៌អន្តរជាតិ រកឃើញថាកងកម្លាំងមីយ៉ាន់ម៉ាសម្លាប់ជនជាតិរ៉ូហ៊ីងយ៉ារាប់ពាន់នាក់
* វិភាគអន្តរជាតិ៖ ដាក់ពង្រាយយន្ដហោះយោធាហោះឆ្វែលអាស៊ី អ្វីទៅជាសារដែលរុស្ស៉ីចង់បញ្ជូន?
* មេសិទ្ធិមនុស្សកម្ពុជា បន្តលាតត្រដាងទង្វើរំលោភសិទ្ធិមនុស្ស របស់យោធាថៃ មកលើពលរដ្ឋស្លូតត្រង់កម្ពុជា ប្រាប់អង្គការពិភពលោកប្រឆាំងទារុណកម្ម
* លោក ស៊ី ជីនពីង អំពាវនាវឱ្យចិន រុស្ស៊ី និងអាមេរិក គួរធ្វើជាគំរូនៃកិច្ចសហប្រតិបត្តិការ ដើម្បីឆ្លើយតបបញ្ហាប្រឈមសកល ហើយរួមគ្នាថែរក្សាសន្តិភាព និងស្ថិរភាពពិភពលោក
* លោក ត្រាំ ប្រាប់លោក ស៉ី និងលោក ពូទីន៖ «ក្នុងនាមជាកំពូលមហាអំណាចទាំង៣ យើងមានទំនួលខុសត្រូវពិសេស មិនមែនសម្រាប់ត្រឹមប្រជាជនយើងទេ ប៉ុន្តែសម្រាប់ពិភពលោកទាំងមូល»
* រដ្ឋមន្ត្រី នេត្រ ភក្ត្រា៖ ក្រសួងព័ត៌មាននឹងមិនអនុញ្ញាតឱ្យជនទុច្ចរិត ប្រើអាជ្ញាបណ្ណសារព័ត៌មានដើរបង្កចលាចលសង្គមឡើយ
* លោក ពូទីន៖ មហាអំណាចរុស្ស៉ី-ចិន-អាមេរិក មានការទទួលខុសត្រូវរួម ក្នុងការថែរក្សាសន្តិភាពនិងសន្តិសុខអន្តរជាតិ
* ប្រធានាធិបតីសាធារណរដ្ឋកូរ៉េ ថ្លែងអំណរគុណសម្តេចតេជោ ហ៊ុន សែន ចំពោះសារអបអរសាទររបស់សម្តេច ក្នុងឱកាសលើកទី៤៣៥៨ ទិវាបង្កើតជាតិនៃសាធារណរដ្ឋកូរ៉េ
* អ៉ីរ៉ាក់សម្រេចប្រកាសបិទការប្រើប្រាស់ Telegram ជាលើកទី២នៅក្នុងឆ្នាំនេះ
* កម្ពុជា-ថៃ នឹងជួបប្រជុំលើកទី៣ ក្រោមយន្តការផ្សះផ្សា UNCLOS នៅម៉ាឡេស៊ី ពីថ្ងៃទី២៤-២៦ ខែវិច្ឆិកា ដើម្បីពិភាក្សាបច្ចេកទេសកំណត់ព្រំដែនសមុទ្រ
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា អង្គការអន្តរជាតិហ្វ្រង់កូហ្វូនី បានបង្ហាញការព្រួយបារម្ភចំពោះស្ថានការណ៍ព្រំដែនកម្ពុជា និងថៃ ជាពិសេសគាំទ្រជំហកម្ពុជា ក្នុងការដោះស្រាយបញ្ហាដោយសន្តិវិធី និងផ្អែកលើច្បាប់អន្តរជាតិ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្រុមហ៊ុនជប៉ុន បានសម្រេចបោះទុនវិនិយោគផលិតគ្រាប់ខ្ចៅផ្តាច់មុខ ដើម្បីចែកចាយទៅប្រទេសផ្សេងៗនៅក្នុងតំបន់
* សម្តេចមហាបវរធិបតី ហ៊ុន ម៉ាណែទ មានប្រសាសន៍ថា កម្ពុជា បានចរចាពន្ធជាមួយអាមេរិកតាំងពីមួយឆ្នាំមុន។ សម្តេចបញ្ជាក់តបទៅនឹងចម្ងល់ពលរដ្ឋមួយចំនួន ពេលឃើញអាមេរិក និងថៃ ចុះកិច្ចព្រមព្រៀងលើបញ្ហាពន្ធនៅប្រទេសហ្វីលីពីន។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្នុងពិធីជប់លៀងជាងមួយម៉ោងរវាងមេដឹកនាំអាស៊ាន និងលោក ដូណាល់ ត្រាំ ប្រធានាធិបតីអាមេរិក នៅប្រទេសហ្វីលីពីន សម្តេចបានអរគុណលោក ដូណាល់ ត្រាំ សម្រាប់ការជួយឱ្យមានសេចក្តីថ្លែងការណ៍រួមនៅកូឡាឡាំពួរ។ សម្តេចបន្តថា លោក ត្រាំ ប្រកាសបន្តជួយឱ្យមានការអនុវត្តពេញលេញលើសេចក្តីថ្លែងការណ៍រួមនោះ។
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

កំពង់ផែស្វយ័តភ្នំពេញ បន្តពង្រីកសមត្ថភាពផែរណបពហុបំណង UM2 ជំហានទី២ នៅខេត្តត្បូងឃ្មុំ ដើម្បីគាំទ្រគម្រោងធំៗរបស់រាជរដ្ឋាភិបាល

19-11-2026 21:40

(ត្បូងឃ្មុំ)៖ ចំណតផែរណបពហុបំណង UM2 របស់កំពង់ផែស្វយ័តភ្នំពេញ ដែលមានទីតាំងនៅខេត្តត្បូងឃ្មុំ បានបន្តអភិវឌ្ឍន៍ជំហានទី២ របស់ខ្លួនយ៉ាងសកម្ម ដើម្បីបង្កើនសមត្ថភាពលើកដាក់ទំនិញធន់ធ្ងន់បានរហូតជាង ២០០តោន។ ការពង្រីកនេះ គឺដើម្បីគាំទ្រដល់គម្រោងអភិវឌ្ឍន៍ធំៗរបស់រាជរដ្ឋាភិបាលកម្ពុជា ក្នុងនោះរួមមានការដឹកជញ្ជូនកង្ហារយក្សសម្រាប់ផលិតថាមពលអគ្គិសនីស្អាត ប្រវែងជិត ៩០ម៉ែត្រ ទៅកាន់ខេត្តមណ្ឌលគិរី។

លោក ហ៊ឺ បាវី ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តភ្នំពេញ បានមានប្រសាសន៍បញ្ជាក់នៅព្រឹកថ្ងៃទី១៩ ខែវិច្ឆិកា ឆ្នាំ២០២៦ ក្នុងឱកាសចុះពិនិត្យវឌ្ឍនភាពការងារថា ជំហានទី២ នៃការអភិវឌ្ឍន៍នេះ បានចាប់ផ្តើមអស់រយៈពេល ៩ខែកន្លងមកហើយ បន្ទាប់ពីជំហានទី១ ត្រូវបានសម្ពោធដាក់ឱ្យប្រើប្រាស់កាលពីឆ្នាំ២០២៤។ ជំហានបន្ថែមនេះ នឹងដើរតួនាទីយ៉ាងសំខាន់ក្នុងការសម្រួលដល់ការដឹកជញ្ជូនទំនិញធន់ធ្ងន់ ជាពិសេសគម្រោងនាំចូលកង្ហារយក្សដែលជាការវិនិយោគពីវិនិយោគិនបរទេស។

ចំណតផែរណបពហុបំណង UM2 ស្ថិតក្រោមការគ្រប់គ្រងរបស់កំពង់ផែស្វយ័តភ្នំពេញ នៅតាមដងទន្លេមេគង្គលើ។ វាជាចំណតផែទំនិញចម្រុះដែលអាចតភ្ជាប់តាមផ្លូវជាតិលេខ ៧ ស្ថិតលើផ្ទៃដីប្រមាណ ៧ ហិកតា និងមានសមត្ថភាពផ្ទុកកុងតឺន័រប្រមាណ ៧ម៉ឺន TEUs ក្នុងមួយឆ្នាំ។ ជាមួយនឹងជម្រៅទឹកប្រមាណ ៤,៥ ម៉ែត្រ ក្នុងរដូវប្រាំង នាវាចំណុះ ២ពាន់ទៅ ៣ពាន់តោន អាចចូលចតបានយ៉ាងងាយស្រួល។ តាមរយៈការពង្រីកសមត្ថភាពនេះ UM2 នឹងក្លាយជាសរសរស្តម្ភដ៏សំខាន់ក្នុងការជំរុញវិស័យដឹកជញ្ជូន និងគាំទ្រគម្រោងអភិវឌ្ឍន៍សេដ្ឋកិច្ចជាតិនៅកម្ពុជា។