* ព្រឹកថ្ងៃនេះ សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* ឯកអគ្គរដ្ឋទូតបារាំង៖ បារាំង ប្តេជ្ញាពង្រឹងកិច្ចសហប្រតិបត្តិការការពារជាតិ ជាមួយកម្ពុជា និងបន្តគាំទ្រការបណ្តុះបណ្តាលកងទ័ពកម្ពុជា
* ដាណឺម៉ាក ផ្តល់សច្ចាប័នលើកិច្ចព្រមព្រៀងជុំវិញកោះ Greenland ជាមួយលោក ត្រាំ ដោយសង្ឃឹមថាវានឹងបិទបញ្ចប់បញ្ហាវិវាទ
* អាមេរិកដាក់ទណ្ឌកម្មលើបុគ្គល និងអង្គភាពចំនួនប្រាំ ដែលធ្វើប្រតិបត្តិការ និងសម្របសម្រួលឱ្យមានមជ្ឈមណ្ឌលបោកប្រាស់តាមប្រព័ន្ធអនឡាញ
* លោក ពូទីន អះអាងថារុស្ស៉ីបបួលអឺរ៉ុបជួបគ្នានៅមូស្គូ ដើម្បីបញ្ជាក់ឱ្យច្បាស់ពីគោលជំហរចំពោះកិច្ចចរចាស្ដីពីសង្រ្គាមអ៊ុយក្រែន
* កម្ពុជា ច្រានចោលការចោទប្រកាន់របស់ក្រសួងការបរទេសថៃ ដែលចោទកម្ពុជាថា ប្រើប្រាស់កិច្ចប្រជុំហ្វ្រង់កូហ្វូនីនៅភ្នំពេញ ដើម្បីបង្ខូចកេរ្តិ៍ឈ្មោះថៃ
* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

មន្ត្រីជាន់ខ្ពស់សុរិយោដី ជំរុញឲ្យគ្រប់ភាគីពាក់ព័ន្ធពន្លឿនការរៀបចំប្លង់គោលប្រើប្រាស់ដី ដើម្បីធានាការគ្រប់គ្រង និងអភិវឌ្ឍដែនដីប្រកបដោយចីរភាព តុល្យភាព និងសមធម៌

20-11-2026 15:12

(កំពង់ស្ពឺ)៖ លោក ខ្លូត រតនា មន្ត្រីជាន់ខ្ពស់ក្រសួងរៀបចំដែនដី នគរូបនីយកម្ម សំណង់ និងសុរិយោដី បានជំរុញគ្រប់ភាគីពាក់ព័ន្ធឲ្យពន្លឿនការរៀបចំប្លង់គោលប្រើប្រាស់ដី ដើម្បីធានាដល់ការគ្រប់គ្រង និងអភិវឌ្ឍដែនដី ប្រកបដោយចីរភាព តុល្យភាព និងសមធម៌។

ការជំរុញបែបនេះ ធ្វើឡើងក្នុងសិក្ខាសាលាស្តីពីការរៀបចំប្លង់គោលប្រើប្រាស់ដីចក្ខុវិស័យឆ្នាំ២០៤០ សម្រាប់ក្រុងច្បារមន ស្រុកសាមគ្គីមុនីជ័យ និងក្រុងឧដុង្គម៉ែជ័យ នៃខេត្តកំពង់ស្ពឺ នាថ្ងៃទី២០ ខែវិច្ឆិកា ឆ្នាំ២០២៦ នៅសាលាខេត្តកំពង់ស្ពឺ។

លោក ខ្លូត រតនា រដ្ឋលេខាធិការក្រសួងរៀបចំដែនដី នគរូបនីយកម្ម សំណង់ និងសុរិយោដី បានលើកឡើងថា ការរៀបចំឱ្យមានប្លង់គោលប្រើប្រាស់ដី ចក្ខុវិស័យឆ្នាំ២០៤០ គឺជាយុទ្ធសាស្ត្រសំខាន់របស់រាជរដ្ឋាភិបាលកម្ពុជា ក្រោមការដឹកនាំរបស់ក្រសួងរៀបចំដែនដី នគរូបនីយកម្ម និងសំណង់ ដើម្បីតម្រង់ទិសការអភិវឌ្ឍ និងការអភិរក្សដែនដីរយៈពេលវែងប្រកបដោយចីរភាព តុល្យភាព និងប្រសិទ្ធភាព ព្រមទាំងស្របតាមកំណើនប្រជាជន និងការពង្រីកទីក្រុង ឬទីប្រជុំជននាពេលអនាគត។

រដ្ឋលេខាធិការបន្តថា ការរៀបចំឱ្យមានប្លង់គោលនៃការប្រើប្រាស់ដីនៅតាមបណ្ដាក្រុងស្រុក មិនខុសពីការបែងចែកតំបន់ប្រើប្រាស់ដីឱ្យបានច្បាស់លាស់នោះទេ ដែលការបែងចែកនេះពិតជាបានជួយឱ្យរដ្ឋបាលថ្នាក់ក្រោមជាតិ ងាយស្រួលក្នុងការគ្រប់គ្រង និងអាចកំណត់បានច្បាស់លាស់នូវតំបន់លំនៅឋាន តំបន់ពាណិជ្ជកម្ម ឧស្សាហកម្ម ដីកសិកម្ម តំបន់អភិរក្ស បរិស្ថាន ប្រភពទឹក និងហេដ្ឋារចនាសម្ព័ន្ធសាធារណៈ (សាលារៀន មន្ទីរពេទ្យ ផ្លូវថ្នល់) ជាដើម។ មួយវិញទៀត ការកំណត់បានប្លង់គោលវាក៏ជាឧបករណ៍មួយដែលអាចទាក់ទាញការវិនិយោគផងដែរ។

លោក ខ្លូត រតនា បានបញ្ជាក់ថា ការកសាងប្លង់គោលសម្រាប់ប្រើប្រាស់ដីនៅតាមបណ្ដារាជធានី ខេត្ត ក្រុង ស្រុក ពិសេសខេត្តកំពង់ស្ពឺ នឹងផ្ដល់ភាពច្បាស់លាស់ផ្នែកច្បាប់ និងផែនការដល់វិនិយោគិនក្នុងស្រុក និងបរទេស ព្រមទាំងកាត់បន្ថយទំនាស់ដីធ្លី ឬការសាងសង់គ្មានសណ្ដាប់ធ្នាប់។ លើសពីនេះ ក៏ធានាដល់ការអភិវឌ្ឍទន្ទឹមគ្នានឹងការការពារធនធានធម្មជាតិ បេតិកភណ្ឌវប្បធម៌ និងការបន្ស៊ាំនឹងការប្រែប្រួលអាកាសធាតុ កំណត់ការប្រើប្រាស់ដី និងសក្ដានុពលដែលមានស្រាប់ឱ្យចំទិសដៅ ស្របតាមគោលនយោបាយជាតិ និងកំណើនប្រជាពលរដ្ឋទៅអនាគត។ មិនតែប៉ុណ្ណោះ ក៏រក្សាបាននូវតុល្យភាពរវាងការសាងសង់នគរូបនីយកម្ម ជាមួយនឹងការការពារដីកសិកម្ម តំបន់អភិរក្ស ប្រភពទឹក និងបរិស្ថានបានច្បាស់លាស់ផងដែរ។

ដើម្បីឱ្យការងាររៀបចំប្លង់គោលប្រើប្រាស់ដីក្នុងក្រុង ស្រុកទាំងបីខាងលើទទួលបានជោគជ័យ និងឆាប់រហ័ស រដ្ឋលេខាធិការក្រសួងរៀបចំដែនដី ក៏បានលើកទឹកចិត្តដល់អាជ្ញាធរពាក់ព័ន្ធចូលរួមឱ្យបានសកម្មប្រកបដោយស្មារតីទទួលខុសត្រូវខ្ពស់ និងប្រសិទ្ធភាពខ្ពស់ ធានាឱ្យការរស់នៅរបស់ប្រជាពលរដ្ឋប្រកបដោយសុខដុមនីយកម្ម និងស៊ីវិល័យ។

ជុំវិញការកសាង និងរៀបចំប្លង់គោលសម្រាប់ក្រុងច្បារមន ស្រុកសាមគ្គីមុនីជ័យ និងក្រុងឧដុង្គម៉ែជ័យ លោកវិស្វករ តាប់ ម៉ាឡៃ ប្រធានមន្ទីររៀបចំដែនដី នគរូបនីយកម្ម និងសំណង់ ខេត្តកំពង់ស្ពឺ ក៏បានបញ្ជាក់ផងដែរថា ក្រុមការងារជំនាញបានយកចិត្តទុកដាក់យ៉ាងខ្លាំងលើកិច្ចការងារនេះ ស្របតាមយុទ្ធសាស្ត្របញ្ចកោណ (បញ្ចកោណទី៤) គឺ «ការអភិវឌ្ឍប្រកបដោយភាពធន់ ចីរភាព និងបរិយាបន្ន» ដោយផ្ដោតលើមុំទី៤ ស្តីពីការពង្រឹងការគ្រប់គ្រង និងការធ្វើទំនើបកម្មនគរូបនីយកម្ម ដើម្បីធានាសុវត្ថិភាព សោភ័ណភាព និងប្រសិទ្ធភាពក្នុងការអភិវឌ្ឍសង្គម-សេដ្ឋកិច្ច។ ក្នុងនោះ ភាគីពាក់ព័ន្ធរួមជាមួយអាជ្ញាធរមូលដ្ឋានបានសហការយ៉ាងសកម្មដែលអាចឱ្យដំណើររៀបចំ កសាងប្លង់គោលប្រើប្រាស់ដីនេះ អាចរួចរាល់តាមផែនការ និងមានប្រសិទ្ធភាពខ្ពស់៕