* ព្រឹកថ្ងៃនេះ សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* ឯកអគ្គរដ្ឋទូតបារាំង៖ បារាំង ប្តេជ្ញាពង្រឹងកិច្ចសហប្រតិបត្តិការការពារជាតិ ជាមួយកម្ពុជា និងបន្តគាំទ្រការបណ្តុះបណ្តាលកងទ័ពកម្ពុជា
* ដាណឺម៉ាក ផ្តល់សច្ចាប័នលើកិច្ចព្រមព្រៀងជុំវិញកោះ Greenland ជាមួយលោក ត្រាំ ដោយសង្ឃឹមថាវានឹងបិទបញ្ចប់បញ្ហាវិវាទ
* អាមេរិកដាក់ទណ្ឌកម្មលើបុគ្គល និងអង្គភាពចំនួនប្រាំ ដែលធ្វើប្រតិបត្តិការ និងសម្របសម្រួលឱ្យមានមជ្ឈមណ្ឌលបោកប្រាស់តាមប្រព័ន្ធអនឡាញ
* លោក ពូទីន អះអាងថារុស្ស៉ីបបួលអឺរ៉ុបជួបគ្នានៅមូស្គូ ដើម្បីបញ្ជាក់ឱ្យច្បាស់ពីគោលជំហរចំពោះកិច្ចចរចាស្ដីពីសង្រ្គាមអ៊ុយក្រែន
* កម្ពុជា ច្រានចោលការចោទប្រកាន់របស់ក្រសួងការបរទេសថៃ ដែលចោទកម្ពុជាថា ប្រើប្រាស់កិច្ចប្រជុំហ្វ្រង់កូហ្វូនីនៅភ្នំពេញ ដើម្បីបង្ខូចកេរ្តិ៍ឈ្មោះថៃ
* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

ធនាគារជាតិនៃកម្ពុជា និងរដ្ឋបាលខេត្តកណ្តាល បើកសិក្ខាសាលាផ្សព្វផ្សាយស្តីពី «ប្រាក់រៀល ប្រព័ន្ធបាគង និង KHQR» ដើម្បីលើកកម្ពស់រូបិយវត្ថុជាតិ

20-11-2026 15:14

(កណ្តាល)៖ ការលើកតម្កើនប្រាក់រៀល ពិតជាមានតម្លៃសម្រាប់កម្ពុជាយើង ដើម្បីលើកកម្ពស់រូបិយប័ណ្ណជាតិយើងឲ្យកាន់តែរឹងមាំឡើង។ នេះជាការលើកឡើងរបស់គណៈអធិបតី នៅក្នុងកម្មវិធីជួបជាមួយសិស្ស និស្សិត និងពលរដ្ឋរាប់រយនាក់ ក្នុងសិក្ខាសាលាផ្សព្វផ្សាយ ស្តីពី «ប្រាក់រៀល ប្រព័ន្ធបាគង និងខេអេចឃ្យូអរ (KHQR)» នៅបរិវេណសួនច្បារមាត់ទន្លេ ក្រុងតាខ្មៅនៅថ្ងៃទី២០ ខែវិច្ឆិកា ឆ្នាំ២០២៦នេះ ។

លោក ប៊ុន ផេង អភិបាលរងខេត្តកណ្តាល និងលោក យឹម លាត ទេសាភិបាលរងនៃធនាគារជាតិនៃកម្ពុជា បានអញ្ជើញជាគណៈអធិបតីក្នុងសិក្ខាសាលាផ្សព្វផ្សាយនេះ ។

ថ្លែងក្នុងសិក្ខាសាលានេះ លោក ប៊ុន ផេង បានគូសបញ្ជាក់ថា ប្រាក់រៀលមានតួនាទីយ៉ាងសំខាន់ ក្នុងការសម្រួលដល់សកម្មភាពសេដ្ឋកិច្ច ពាណិជ្ជកម្ម និងការរស់នៅប្រចាំថ្ងៃរបស់ប្រជាពលរដ្ឋ ជាពិសេស លទ្ធផលសិក្សារួមរវាងធនាគារជាតិនៃកម្ពុជា និងទីភ្នាក់ងារសហប្រតិបត្តិការអន្តរជាតិជប៉ុន (JICA) កាលពីឆ្នាំ២០១៧ បានបង្ហាញថា ការចំណាយប្រចាំថ្ងៃរបស់ប្រជាពលរដ្ឋក្នុងខេត្តកណ្តាលប្រមាណ ៨៨% ធ្វើឡើងជាប្រាក់រៀល។

លោកអភិបាលរងខេត្ត ក៏បានអំពាវនាវដល់ប្រជាពលរដ្ឋ អាជីវករ ក្រុមហ៊ុន និងសហគ្រាសទាំងអស់ បន្តចូលរួមប្រើប្រាស់ប្រាក់រៀលឱ្យកាន់តែទូលំទូលាយ ព្រមទាំងគាំទ្រការទូទាត់តាមប្រព័ន្ធបាគង និង KHQR ដែលជាមធ្យោបាយទូទាត់ទំនើប ងាយស្រួល និងរួមចំណែកជំរុញសេដ្ឋកិច្ចឌីជីថលនៅកម្ពុជា។

លោក យឹម លាត ទេសាភិបាលរងនៃធនាគារជាតិនៃកម្ពុជា បានចែករំលែកចំណេះដឹងពាក់ព័ន្ធនឹងប្រវត្តិ និងការវិវត្តនៃប្រាក់រៀល ចាប់តាំងពីការបោះពុម្ព ការដាក់ឱ្យប្រើប្រាស់ រហូតដល់ការអភិវឌ្ឍរូបរាង ទំហំ និងបច្ចេកវិទ្យាសុវត្ថិភាពលើក្រដាសប្រាក់រៀលជាបន្តបន្ទាប់។

លោក យឹម លាត បានអំពាវនាវដល់អ្នកចូលរួមទាំងអស់ ត្រូវស្វែងយល់ឱ្យបានច្បាស់ពីលក្ខណៈសម្គាល់រវាងក្រដាសប្រាក់រៀលពិត និងក្រដាសប្រាក់រៀលក្លែងក្លាយ ដោយត្រូវយកចិត្តទុកដាក់ ពិនិត្យលើសញ្ញាសម្គាល់សុវត្ថិភាពដែលមាននៅលើក្រដាសប្រាក់ ដូចជា៖ ក្រដាសសុវត្ថិភាព សញ្ញាសម្គាល់ផ្សេងៗ ខ្សែសុវត្ថិភាព និងលក្ខណៈពិសេសជាច្រើនទៀត ដែលអាចពិនិត្យតាមរយៈការមើល ការប៉ះ និងការផ្អៀងក្រដាសប្រាក់ ការយល់ដឹងនេះមានសារៈសំខាន់ ក្នុងការជួយប្រជាពលរដ្ឋការពារខ្លួនពីការចរាចរណ៍ក្រដាសប្រាក់ក្លែងក្លាយ និងចូលរួមថែរក្សាទំនុកចិត្តលើរូបិយវត្ថុជាតិ។

បន្ថែមពីលើនេះ លោកទេសាភិបាលរងនៃធនាគារជាតិនៃកម្ពុជា បានបង្ហាញពីអត្ថប្រយោជន៍ នៃការប្រើប្រាស់ប្រាក់រៀល ដែលជួយគាំទ្រសកម្មភាពសេដ្ឋកិច្ចក្នុងស្រុក រក្សាអត្តសញ្ញាណជាតិ និងជំរុញការប្រើប្រាស់ប្រព័ន្ធទូទាត់ឌីជីថល តាមរយៈប្រព័ន្ធបាគង និង KHQR ដែលអាចជួយសម្រួលដល់ការទូទាត់ប្រាក់បានយ៉ាងឆាប់រហ័ស ងាយស្រួល សុវត្ថិភាព និងកាត់បន្ថយការប្រើប្រាស់សាច់ប្រាក់ដោយផ្ទាល់។

ជាងនេះទៀតនោះ លោកទេសាភិបាលរង ក៏បានសំណូមពរដល់ម្ចាស់ក្រុមហ៊ុន រោងចក្រ សហគ្រាស និងស្ថាប័នឯកជនទាំងអស់ សូមពិចារណាចូលរួមបើកប្រាក់បៀវត្សជូនបុគ្គលិក និងកម្មករនិយោជិត ជាប្រាក់រៀលឱ្យបានកាន់តែច្រើនឡើង ដើម្បីជំរុញការប្រើប្រាស់រូបិយវត្ថុជាតិឱ្យកាន់តែទូលំទូលាយ ក្នុងសកម្មភាពសេដ្ឋកិច្ចប្រចាំថ្ងៃ ព្រមទាំងបង្កើនចំណេះដឹង និងទម្លាប់ប្រើប្រាស់ប្រាក់រៀលក្នុងសង្គម៕