* ព្រឹកថ្ងៃនេះ សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* ឯកអគ្គរដ្ឋទូតបារាំង៖ បារាំង ប្តេជ្ញាពង្រឹងកិច្ចសហប្រតិបត្តិការការពារជាតិ ជាមួយកម្ពុជា និងបន្តគាំទ្រការបណ្តុះបណ្តាលកងទ័ពកម្ពុជា
* ដាណឺម៉ាក ផ្តល់សច្ចាប័នលើកិច្ចព្រមព្រៀងជុំវិញកោះ Greenland ជាមួយលោក ត្រាំ ដោយសង្ឃឹមថាវានឹងបិទបញ្ចប់បញ្ហាវិវាទ
* អាមេរិកដាក់ទណ្ឌកម្មលើបុគ្គល និងអង្គភាពចំនួនប្រាំ ដែលធ្វើប្រតិបត្តិការ និងសម្របសម្រួលឱ្យមានមជ្ឈមណ្ឌលបោកប្រាស់តាមប្រព័ន្ធអនឡាញ
* លោក ពូទីន អះអាងថារុស្ស៉ីបបួលអឺរ៉ុបជួបគ្នានៅមូស្គូ ដើម្បីបញ្ជាក់ឱ្យច្បាស់ពីគោលជំហរចំពោះកិច្ចចរចាស្ដីពីសង្រ្គាមអ៊ុយក្រែន
* កម្ពុជា ច្រានចោលការចោទប្រកាន់របស់ក្រសួងការបរទេសថៃ ដែលចោទកម្ពុជាថា ប្រើប្រាស់កិច្ចប្រជុំហ្វ្រង់កូហ្វូនីនៅភ្នំពេញ ដើម្បីបង្ខូចកេរ្តិ៍ឈ្មោះថៃ
* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

រដ្ឋមន្ត្រី ថោ ជេដ្ឋា ចូលរួមកិច្ចប្រជុំលើកទី៣៣ នៃក្រុមប្រឹក្សាគណៈកម្មការទន្លេមេគង្គ និងកិច្ចប្រជុំក្រុមពិគ្រោះយោបល់ដៃគូអភិវឌ្ឍន៍លើកទី៣១ នៅប្រទេសវៀតណាម

20-11-2026 19:54

(វៀតណាម)៖ លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានគណៈកម្មាធិការជាតិទន្លេមេគង្គកម្ពុជា នៅថ្ងៃទី២០ ខែវិច្ឆិកា ឆ្នាំ២០២៦ បានអញ្ជើញចូលរួមកិច្ចប្រជុំលើកទី៣៣ នៃក្រុមប្រឹក្សាគណៈកម្មការទន្លេមេគង្គ និងកិច្ចប្រជុំរួមជាមួយក្រុមពិគ្រោះយោបល់ដៃគូអភិវឌ្ឍន៍លើកទី៣១ នៅទីក្រុងហាណូយ ប្រទេសវៀតណាម។

ថ្លែងក្នុងកិច្ចប្រជុំ លោករដ្ឋមន្ត្រី បានបង្ហាញពីការបារម្ភចំពោះការប្រែប្រួលយ៉ាងឆាប់រហ័សនៃស្ថានភាពទន្លេមេគង្គ ដូចជា ការឡើងកម្ដៅ គ្រោះរាំងស្ងួត គ្រោះទឹកជំនន់ និងគុណភាពទឹកជាដើម។ លើសពីនេះ ការផ្លាស់ប្ដូរលំហូរទឹក កំណកដីល្បាប់ និងប្រព័ន្ធអេកូឡូស៊ី ក៏កំពុងបង្កើនសម្ពាធលើទន្លេផងដែរ។

លោករដ្ឋមន្ត្រី បានលើកឡើងថា សម្រាប់ប្រទេសកម្ពុជា សុខភាពរបស់ទន្លេមេគង្គមិនអាចបំបែកចេញពីអនាគតរបស់បឹងទន្លេសាបបានឡើយ ជាពិសេសលំហូរទឹកត្រឡប់ចូលបឹងទន្លេសាបតាមធម្មជាតិ ជួយទ្រទ្រង់ដល់វិស័យកសិកម្ម ជីវៈចម្រុះ និងជីវភាពរស់នៅរបស់ប្រជាជនរាប់លាននាក់។

លោករដ្ឋមន្ត្រី បានសង្កត់ធ្ងន់លើភាពចាំបាច់ក្នុងការបន្តបង្កើនប្រសិទ្ធភាព និងសមត្ថភាពបន្ថែមទៀតរបស់គណៈកម្មការទន្លេមេគង្គ និងលេខាធិការដ្ឋាន ដើម្បីបម្រើដល់កិច្ចសហប្រតិបត្តិការក្នុងតំបន់ឱ្យកាន់តែមានប្រសិទ្ធផល សម្រាប់ការគ្រប់គ្រង និងការអភិវឌ្ឍអាងទន្លេមេគង្គប្រកបដោយនិរន្តរភាព និងដើម្បីស្វែងរកដំណោះស្រាយប្រកបដោយភាពច្នៃប្រឌិត និងមាននិរន្តរភាព ជួយដល់ប្រទេសជាសមាជិកក្នុងការកាត់បន្ថយ និងដោះស្រាយហានិភ័យ ឬផលប៉ះពាល់ដែលបង្កឡើងដោយការប្រែប្រួលអាកាសធាតុ ក៏ដូចជាហានិភ័យឆ្លងដែនផ្សេងទៀតទាក់ទងនឹងគុណភាពទឹក ឱ្យកាន់តែមានប្រសិទ្ធភាព ទាំងក្នុងកម្រិតអាងទន្លេទាំងមូល និងក្នុងកម្រិតប្រទេសនីមួយៗ។

ក្នុងនាមជាប្រទេសសមាជិកមួយ លោករដ្ឋមន្ត្រី បានបញ្ជាក់ពីការប្តេជ្ញាចិត្តរបស់កម្ពុជា ក្នុងការបន្តកិច្ចសហការយ៉ាងជិតស្និទ្ធជាមួយប្រទេសសមាជិកគណៈកម្មការទន្លេមេគង្គផ្សេងទៀត ដៃគូសន្ទនា ដៃគូអភិវឌ្ឍន៍ និងដៃគូសហការនានា ដើម្បីការពារទន្លេមេគង្គឱ្យមាននិរន្តរភាព និងលើកកម្ពស់ជីវភាពរស់នៅរបស់ប្រជាជនដែលពឹងអាស្រ័យលើទន្លេនេះ៕