* ព្រឹកថ្ងៃនេះ សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* ឯកអគ្គរដ្ឋទូតបារាំង៖ បារាំង ប្តេជ្ញាពង្រឹងកិច្ចសហប្រតិបត្តិការការពារជាតិ ជាមួយកម្ពុជា និងបន្តគាំទ្រការបណ្តុះបណ្តាលកងទ័ពកម្ពុជា
* ដាណឺម៉ាក ផ្តល់សច្ចាប័នលើកិច្ចព្រមព្រៀងជុំវិញកោះ Greenland ជាមួយលោក ត្រាំ ដោយសង្ឃឹមថាវានឹងបិទបញ្ចប់បញ្ហាវិវាទ
* អាមេរិកដាក់ទណ្ឌកម្មលើបុគ្គល និងអង្គភាពចំនួនប្រាំ ដែលធ្វើប្រតិបត្តិការ និងសម្របសម្រួលឱ្យមានមជ្ឈមណ្ឌលបោកប្រាស់តាមប្រព័ន្ធអនឡាញ
* លោក ពូទីន អះអាងថារុស្ស៉ីបបួលអឺរ៉ុបជួបគ្នានៅមូស្គូ ដើម្បីបញ្ជាក់ឱ្យច្បាស់ពីគោលជំហរចំពោះកិច្ចចរចាស្ដីពីសង្រ្គាមអ៊ុយក្រែន
* កម្ពុជា ច្រានចោលការចោទប្រកាន់របស់ក្រសួងការបរទេសថៃ ដែលចោទកម្ពុជាថា ប្រើប្រាស់កិច្ចប្រជុំហ្វ្រង់កូហ្វូនីនៅភ្នំពេញ ដើម្បីបង្ខូចកេរ្តិ៍ឈ្មោះថៃ
* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

លោក ឈួរ សុបញ្ញា៖ ការសិក្សាភាសាបាលី-សំស្ក្រឹត មានសារៈសំខាន់យ៉ាងខ្លាំងក្នុងការស្វែងយល់ពីគោលធម៌ព្រះពុទ្ធសាសនា

20-11-2026 21:58

(កំពង់ស្ពឺ)៖ លោក ឈួរ សុបញ្ញា រដ្ឋលេខាធិការក្រសួងធម្មការនិងសាសនា បានលើកឡើងថា បានលើកឡើងថា ការសិក្សាភាសាបាលី-សំស្ក្រឹត មានសារៈសំខាន់យ៉ាងខ្លាំងក្នុងការស្វែងយល់ពីគោលធម៌ព្រះពុទ្ធសាសនា។

លោកថ្លែងបែបនេះ នាព្រឹកថ្ងៃសុក្រ ទី២០ ខែវិច្ឆិកា ឆ្នាំ២០២៦ ក្នុងឱកាសលោករួមជាមួយព្រះមុនីសត្ថាចារ្យ កោសល កែវ ចន្ថា ព្រះមេគណខេត្តកំពង់ស្ពឺ បានអញ្ជើញចូលរួមក្នុងពិធីអបអរសាទរចំពោះសមណសិស្សព្រះនាម សុធានី សីហសូនូ ដែលទទួលបានជ័យលាភីលេខ៣ ទូទាំងប្រទេស ក្នុងការប្រឡងសមណសិស្សពូកែផ្នែកភាសាបាលី-សំស្ក្រឹត កម្រិតពុទ្ធិកមធ្យមសិក្សាបឋមភូមិ ដែលបានប្រព្រឹត្តទៅនៅសាលាពុទ្ធិកអនុវិទ្យាល័យ សម្តេចអគ្គមហាសេនាបតីតេជោ ហ៊ុន សែន ក្រុងច្បារមន ស្ថិតក្នុងបរិវេណវត្តមុនីរង្សីរតនារាម (ហៅវត្តម្រុំខាងជើង) សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។

ក្នុងឱកាសនោះ លោកបាននាំយកនូវការថ្វាយបង្គំសួរសុខទុក្ខ និងសេចក្តីនឹករលឹកប្រកបដោយការគោរពដ៏ជ្រាលជ្រៅពីសំណាក់លោកឧបនាយករដ្ឋមន្ត្រី ហ៊ុន ម៉ានី ប្រធានក្រុមការងារចុះមូលដ្ឋានខេត្តកំពង់ស្ពឺ និងលោក ចាយ បូរិន រដ្ឋមន្ត្រីក្រសួងធម្មការ និងសាសនា ជូនចំពោះព្រះករុណាព្រះមេគណ ព្រះអនុគណ ព្រះសង្ឃគ្រប់ព្រះអង្គ និងព្រះគ្រូអាចារ្យទាំងអស់ដែលបានចូលរួមក្នុងកម្មវិធីនេះ ជាពិសេសចំពោះសមណសិស្សជ័យលាភី ដើម្បីជាការលើកទឹកចិត្តចំពោះវិស័យព្រះពុទ្ធសាសនា និងការអប់រំផ្នែកពុទ្ធិកសិក្សា។

លោក ឈួរ សុបញ្ញា ថ្លែងក្នុងពិធីនោះថា ជ័យលាភីនេះ គឺជាសមិទ្ធផលដ៏គួរឱ្យមោទនភាពមួយ ដែលកើតចេញពីការខិតខំប្រឹងប្រែងរៀនសូត្រ ការតស៊ូព្យាយាម និងការប្តេជ្ញាចិត្តរបស់សមណសិស្ស ព្រមទាំងការយកចិត្តទុកដាក់បង្ហាត់បង្រៀនរបស់ព្រះគ្រូ និងគ្រូបង្រៀន ការគាំទ្រពីគណៈគ្រប់គ្រងសាលា និងការលើកទឹកចិត្តពីសំណាក់អាណាព្យាបាល និងសហគមន៍។

លោកថា ការសិក្សាភាសាបាលី-សំស្ក្រឹត មានសារៈសំខាន់យ៉ាងខ្លាំងក្នុងការស្វែងយល់ពីគោលធម៌ព្រះពុទ្ធសាសនា ការបន្តវេនចំណេះដឹងផ្នែកពុទ្ធសាសនា និងការថែរក្សាអក្សរសាស្ត្រ វប្បធម៌ និងមរតកបញ្ញារបស់ជាតិ។ ជាពិសេស ការលើកទឹកចិត្តដល់សមណសិស្សដែលមានសមត្ថភាពពូកែ គឺជាការរួមចំណែកបណ្តុះធនធានមនុស្សក្នុងវិស័យព្រះពុទ្ធសាសនា និងអប់រំឱ្យកាន់តែមានគុណភាព។

ក្នុងឱកាសនេះ លោកសូមចូលរួមអបអរសាទរចំពោះសមណសិស្សដែលទទួលបានជ័យលាភី ព្រមទាំងសូមកោតសរសើរចំពោះព្រះគ្រូ គ្រូបង្រៀន និងគណៈគ្រប់គ្រងសាលា ដែលបានខិតខំចូលរួមបណ្តុះបណ្តាល និងអភិវឌ្ឍសមត្ថភាពសមណសិស្ស។ សូមជូនពរឱ្យសមណសិស្សបន្តខិតខំរៀនសូត្រ សន្សំចំណេះដឹង និងពង្រឹងសមត្ថភាពបន្ថែមទៀត ដើម្បីក្លាយជាធនធានបញ្ញវន្តពុទ្ធសាសនាដ៏មានតម្លៃសម្រាប់សង្គម និងប្រទេសជាតិនាពេលអនាគត៕