* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ម្ចាស់រោងចក្រ-សហគ្រាសត្រូវចងចាំថា ការគាំទ្រគ្រាន់តែជាការសាកល្បងប៉ុណ្ណោះ។ ការរក្សាទីផ្សារឱ្យបានយូរអង្វែង គឺត្រូវពឹងផ្អែកទាំងស្រុងលើគុណភាព, សុវត្ថិភាព, ស្តង់ដា, ថ្លៃសមរម្យ, និយាយជារួម គឺគុណតម្លៃ និងទំនុកចិត្តលើផលិតផល, ទើបជាកត្តាជំរុញឱ្យមានការគាំទ្រ និង ជ្រើសរើសប្រើប្រាស់ជាប្រចាំ។
* សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

សម្តេចមហាបវរធិបតី ហ៊ុន ម៉ាណែត៖ ការបិទច្រកព្រំដែនជាមួយថៃ មិនធ្វើឱ្យផលិតកម្ម និងកសិកម្មកម្ពុជាស្លាប់ទេ តែជាឱកាសពង្រឹងខ្លួនឯង និងបង្វែរទីផ្សារបានទាន់ពេល

21-11-2026 12:21

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់ថា ការបិទច្រកព្រំដែនជាមួយថៃ មិនបានធ្វើឱ្យផលិតកម្ម និងវិស័យកសិកម្មរបស់កម្ពុជាដួលរលំ ឬ «ស្លាប់» នោះទេ ខណៈកម្ពុជាបានបង្វែរទីផ្សារទាន់ពេលវេលា និងមានជម្រើសតភ្ជាប់ជាច្រើន ព្រមទាំងចាត់ទុកការលំបាកនេះជាឱកាសមាសក្នុងការពង្រឹងខ្លួនឯង និងជំរុញការច្នៃប្រឌិត។

ថ្លែងក្នុងឱកាសអញ្ជើញជាអធិបតីបើកពិព័រណ៍ផលិតផលខ្មែរលើកទី៤ នៅមជ្ឈមណ្ឌលសន្និបាត និងពិព័រណ៍កោះពេជ្រ នាព្រឹកថ្ងៃសៅរ៍ ទី២១ ខែវិច្ឆិកា ឆ្នាំ២០២៦ សម្តេចធិបតី ហ៊ុន ម៉ាណែត បានលើកឡើងពីកសិផល និងផលិតផលក្នុងស្រុក ដូចជា តាង៉ែនប៉ៃលិន និងដំឡូងមី ដែលត្រូវបានបង្វែរទៅកាន់ទីផ្សារប្រទេសចិនទាន់ពេលវេលា ទោះបីមានការគិតទុកពីមុនថា ការបិទច្រកព្រំដែនអាចធ្វើឱ្យសេដ្ឋកិច្ចព្រំដែនរលំក៏ដោយ។ សម្តេចធិបតី បានកត់សម្គាល់ថា ផ្នែកសេវាកម្មអាចរងផលប៉ះពាល់ខ្លះពីការបិទច្រក ប៉ុន្តែផ្នែកផលិតកម្ម និងកសិកម្មនៅព្រំដែនខាងលិច មិនបានបាត់បង់នោះទេ។

សម្តេចធិបតីនាយករដ្ឋមន្ត្រីបានសង្កត់ធ្ងន់ថា ទំនុកចិត្តលើកម្ពុជារវាងរាជរដ្ឋាភិបាល និងវិស័យឯកជន គឺជាកម្លាំងជំរុញឱ្យសម្រេចបានលទ្ធផលជាក់ស្តែង ដោយកម្ពុជាបានបង្វែរកសិផលដូចជា តាង៉ែនទៅទីផ្សារចិន កំពុងចរចាជាមួយឡាវដើម្បីដឹកជញ្ជូនតាមផ្លូវគោក និងអនុគ្រោះបន្តទៅចិន ព្រមទាំងអាចដឹកជញ្ជូនតាមកំពង់ផែព្រះសីហនុ និងកំពុងជំរុញការអភិវឌ្ឍផែទឹកជ្រៅនៅកោះកុងផងដែរ។ ដោយសារមានជម្រើសតភ្ជាប់ច្រើន សម្តេចធិបតី បញ្ជាក់ថា កម្ពុជាមិនមានតម្រូវការក្នុងការបើកដៃ ឬរង់ចាំនោះឡើយ ទោះបីគេបិទព្រំដែនយ៉ាងណាក៏ដោយ។

ជាមួយគ្នានេះ សម្តេចធិបតី ហ៊ុន ម៉ាណែត បានលើកឡើងថា ការបង្កើតការលំបាក ឬការបិទច្រក បានជំរុញឱ្យកម្ពុជាងាកមកមើលខ្លួនឯង ពង្រឹងភាពរឹងមាំពីខាងក្នុង និងប្រែក្លាយស្ថានភាពលំបាកឱ្យទៅជាឱកាសមាស ដោយប្រៀបធៀបថា ពេលមានឧបសគ្គ ឬការប្រកួតប្រជែង ការខិតខំប្រឹងប្រែង និងការច្នៃប្រឌិត គឺជាជម្រើសចាំបាច់ ដើម្បីរួមគ្នាឈានទៅមុខ និងទទួលបានភាពជោគជ័យ៕