* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ម្ចាស់រោងចក្រ-សហគ្រាសត្រូវចងចាំថា ការគាំទ្រគ្រាន់តែជាការសាកល្បងប៉ុណ្ណោះ។ ការរក្សាទីផ្សារឱ្យបានយូរអង្វែង គឺត្រូវពឹងផ្អែកទាំងស្រុងលើគុណភាព, សុវត្ថិភាព, ស្តង់ដា, ថ្លៃសមរម្យ, និយាយជារួម គឺគុណតម្លៃ និងទំនុកចិត្តលើផលិតផល, ទើបជាកត្តាជំរុញឱ្យមានការគាំទ្រ និង ជ្រើសរើសប្រើប្រាស់ជាប្រចាំ។
* សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

មន្ត្រីជាន់ខ្ពស់ក្រសួងសុខាភិបាល អញ្ជើញចូលរួមទិវាអភិវឌ្ឍន៍វិជ្ជាជីវៈវេជ្ជសាស្ត្របន្តលើកទី១៦ នៅខេត្តស្វាយរៀង ដើម្បីពង្រឹងសមត្ថភាព និងគុណភាពសេវាសុខាភិបាលឱ្យកាន់តែល្អប្រសើរ

21-11-2026 15:01

(ស្វាយរៀង)៖ លោកសាស្ត្រាចារ្យ ឡឹម តារា រដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាគណៈគ្រូពេទ្យជាតិ នៅព្រឹកថ្ងៃទី២១ ខែវិច្ឆិកា ឆ្នាំ២០២៦ បានអញ្ជើញជាគណៈអធិបតីក្នុងពិធីអបអរសាទរទិវា អភិវឌ្ឍន៍វិជ្ជាជីវៈវេជ្ជសាស្ត្របន្តលើកទី១៦ ខេត្តស្វាយរៀង ដែលរៀបចំឡើងដោយក្រុមប្រឹក្សាគណៈគ្រូពេទ្យជាតិ មន្ទីរសុខាភិបាលនៃរដ្ឋបាលខេត្តស្វាយរៀង និងក្រុមប្រឹក្សាគណៈគ្រូពេទ្យខេត្តស្វាយរៀង។

ពិធីនេះបានប្រព្រឹត្តទៅនៅសាលប្រជុំមន្ទីរសុខាភិបាល នៃរដ្ឋបាលខេត្តស្វាយរៀង ដោយបានរៀបចំទាំងនៅកន្លែងផ្ទាល់ និងតាមរយៈប្រព័ន្ធ Zoom សម្រាប់អ្នកចូលរួមពីក្រៅខេត្ត ដែលមានការចូលរួមពីថ្នាក់ដឹកនាំ សាស្ត្រាចារ្យ វេជ្ជបណ្ឌិត បុគ្គលិកសុខាភិបាល និងក្រុមហ៊ុនឱសថយ៉ាងច្រើនកុះករផងដែរ។

ថ្លែងក្នុងឱកាសនោះ លោកវេជ្ជបណ្ឌិត គុជ ស៊ីថា ប្រធានមន្ទីរសុខាភិបាលខេត្តស្វាយរៀង បានលើកឡើងពីវឌ្ឍនភាពគួរឱ្យកត់សម្គាល់ ដោយបច្ចុប្បន្នខេត្តមានមន្ទីរពេទ្យខេត្ត១ មន្ទីរពេទ្យបង្អែកស្រុក៥ មណ្ឌលសុខភាព៤៩ ប៉ុស្តិ៍សុខភាព៤ ព្រមទាំងសេវាឯកជនជិត២០០ទីតាំង ដោយមានមន្ត្រីសុខាភិបាលសរុប៨៦៧រូប។

លោកបានបញ្ជាក់ថា សមិទ្ធផលទាំងនេះសម្រេចបានដោយសារការគាំទ្រពីរាជរដ្ឋាភិបាលកម្ពុជា ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងកិច្ចសហការពីគ្រប់ស្ថាប័នពាក់ព័ន្ធ។

ទន្ទឹមនឹងនេះ លោកប្រធានមន្ទីរបានអំពាវនាវដល់វេជ្ជបណ្ឌិត និងគ្រូពេទ្យទាំងអស់ ទាំងវិស័យរដ្ឋ និងឯកជន ត្រូវបន្តពង្រឹងសមត្ថភាពបច្ចេកទេស និងសន្សំពិន្ទុក្រេឌីត (Credit) តាមរយៈការចូលរួមវគ្គបណ្ដុះបណ្ដាលបន្តបែបនេះ ដើម្បីបន្តសុពលភាពអាជ្ញាបណ្ណ និងលើកកម្ពស់គុណភាពសេវាព្យាបាលជូនប្រជាពលរដ្ឋឱ្យកាន់តែមានប្រសិទ្ធភាព និងសុវត្ថិភាពខ្ពស់។

ក្នុងឱកាសនោះ លោកសាស្ត្រាចារ្យ ឡឹម តារា បានថ្លែងអំណរគុណ និងកោតសរសើរចំពោះការចូលរួមយ៉ាងសកម្មរបស់គ្រូពេទ្យ និងបុគ្គលិកសុខាភិបាល ក្នុងការលើកកម្ពស់គុណភាព និងសុវត្ថិភាពសេវាសុខាភិបាល។

លោកសាស្ត្រាចារ្យបានបញ្ជាក់ពីតួនាទីសំខាន់របស់គណៈគ្រូពេទ្យកម្ពុជា ក្នុងការគ្រប់គ្រង និងធានាគុណភាពវិជ្ជាជីវៈវេជ្ជសាស្ត្រ តាមរយៈការចុះបញ្ជី និងផ្ដល់អាជ្ញាបណ្ណ ការកំណត់បទដ្ឋានវិជ្ជាជីវៈ ការត្រួតពិនិត្យការអនុវត្ត និងការជំរុញការអភិវឌ្ឍវិជ្ជាជីវៈបន្ត ដើម្បីធានាថាគ្រូពេទ្យមានសមត្ថភាព និងសុចរិតភាពក្នុងការបម្រើសង្គម។

បន្ថែមលើសពីនេះ លោកសាស្ត្រាចារ្យក៏បានលើកឡើងពីសារៈសំខាន់នៃការគោរពច្បាប់ បទប្បញ្ញត្តិ និងក្រមសីលធម៌វិជ្ជាជីវៈ ដែលផ្អែកលើគោលការណ៍ដាក់ផលប្រយោជន៍អ្នកជំងឺជាចម្បង មិនបង្កគ្រោះថ្នាក់ គោរពសេចក្ដីថ្លៃថ្នូរ និងសិទ្ធិសម្រេចរបស់អ្នកជំងឺ ព្រមទាំងមានភាពស្មោះត្រង់ និងទំនួលខុសត្រូវខ្ពស់ក្នុងការអនុវត្តវិជ្ជាជីវៈ។ ជាមួយគ្នានេះ គ្រូពេទ្យត្រូវគោរពដែនកំណត់វិជ្ជាជីវៈ ដោយអនុវត្តការងារតាមសមត្ថភាព និងបញ្ជូនអ្នកជំងឺទៅអ្នកជំនាញសមស្របនៅពេលចាំបាច់ ដើម្បីធានាសុវត្ថិភាពអ្នកជំងឺផងដែរ។

លោកសាស្ត្រាចារ្យបានគូសបញ្ជាក់ថា ដើម្បីកាត់បន្ថយការចំណាយ និងការធ្វើដំណើរទៅទទួលសេវាព្យាបាលនៅក្រៅប្រទេសរបស់ប្រជាពលរដ្ឋ ក្រសួងសុខាភិបាលកម្ពុជាបានដាក់ចេញនូវផែនការយុទ្ធសាស្ត្រ និងវិធានការគន្លឹះជាបន្តបន្ទាប់ ក្នុងគោលដៅលើកកម្ពស់គុណភាពសេវាថែទាំសុខភាព និងកសាងទំនុកចិត្តកាន់តែរឹងមាំលើវិស័យវេជ្ជសាស្ត្រក្នុងស្រុក។

យុទ្ធសាស្ត្រអាទិភាពទាំងនោះ រួមមានការពង្រឹងសមត្ថភាពវិជ្ជាជីវៈ និងក្រមសីលធម៌របស់បុគ្គលិកពេទ្យ ការបំពាក់ឧបករណ៍ និងបច្ចេកវិទ្យាវេជ្ជសាស្ត្រទំនើបៗនៅតាមមន្ទីរពេទ្យជាតិ និងថ្នាក់ខេត្ត ព្រមទាំងការពង្រីកវិសាលភាពព្យាបាលជំងឺស្មុគស្មាញនានា។ ទន្ទឹមនឹងនេះ ក្រសួងក៏បានជំរុញការកែលម្អប្រព័ន្ធគ្រប់គ្រង និងការផ្ដល់សេវាឱ្យកាន់តែមានប្រសិទ្ធភាព និងតម្លាភាពខ្ពស់ផងដែរ។

លោកបានបន្តថា មួយវិញទៀត ការពង្រឹងភាពជាដៃគូរវាងរដ្ឋ និងឯកជន ស្របតាមយុទ្ធសាស្ត្រសុខាភិបាលជាតិ គឺជាចលករគន្លឹះដែលមិនអាចខ្វះបាន ក្នុងការជំរុញឱ្យកម្ពុជាឈានទៅសម្រេចបាននូវការគ្របដណ្ដប់ សុខភាពជាសាកល។ តាមរយៈយន្តការនេះ ប្រជាពលរដ្ឋគ្រប់រូបនឹងទទួលបានសេវាថែទាំសុខភាពប្រកបដោយគុណភាព សមធម៌ និងទំនុកចិត្តខ្ពស់ ដែលជួយកាត់បន្ថយបន្ទុកចំណាយ និងការចាកចេញទៅស្វែងរកសេវាព្យាបាលនៅក្រៅប្រទេស៕