* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ម្ចាស់រោងចក្រ-សហគ្រាសត្រូវចងចាំថា ការគាំទ្រគ្រាន់តែជាការសាកល្បងប៉ុណ្ណោះ។ ការរក្សាទីផ្សារឱ្យបានយូរអង្វែង គឺត្រូវពឹងផ្អែកទាំងស្រុងលើគុណភាព, សុវត្ថិភាព, ស្តង់ដា, ថ្លៃសមរម្យ, និយាយជារួម គឺគុណតម្លៃ និងទំនុកចិត្តលើផលិតផល, ទើបជាកត្តាជំរុញឱ្យមានការគាំទ្រ និង ជ្រើសរើសប្រើប្រាស់ជាប្រចាំ។
* សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

កម្លាំងកងទ័ពឈរជើងនៅបឹងទន្លេសាប បន្តសហការជាមួយអង្គភាពពាក់ព័ន្ធ បន្តចុះបង្ក្រាបបទល្មើសនេសាទយ៉ាងក្ដៅគគុកក្នុងភូមិសាស្ត្រខេត្តកំពង់ឆ្នាំង (Video inside)

21-11-2026 17:09

(កំពង់ឆ្នាំង)៖ បច្ចុប្បន្ន គេសង្កេតឃើញថា ការកើនឡើងនៃពូជមច្ឆាជាតិក្នុងបឹងទន្លេសាប គឺជាលទ្ធផលវិជ្ជមានដែលកើតចេញពីការចាត់វិធានការយ៉ាងម៉ឺងម៉ាត់របស់រាជរដ្ឋាភិបាល ក្នុងការទប់ស្កាត់ និងបង្ក្រាបបទល្មើសនេសាទ ព្រមទាំងការហាមឃាត់ការប្រើប្រាស់ឧបករណ៍នេសាទខុសច្បាប់ ដែលមានលក្ខណៈបំផ្លាញធ្ងន់ធ្ងរ ដូចជា ឧបករណ៍ឆក់ និងស្បៃមុងជាដើម។

ទន្ទឹមនឹងនេះ រាជរដ្ឋាភិបាលក៏បានជំរុញឱ្យមានការអភិរក្សត្រីមេពូជ វារីសត្វកម្រដែលប្រឈមនឹងការផុតពូជ និងការពង្រឹងការគ្រប់គ្រងតំបន់អភិរក្សជលផល សហគមន៍នេសាទ ព្រមទាំងការការពារ និងដាំស្ដារព្រៃលិចទឹកឡើងវិញ ដែលជាជម្រកដ៏សំខាន់សម្រាប់ត្រីពងកូន និងលូតលាស់ សំដៅធានាបាននូវនិរន្តរភាពធនធានជលផល និងសន្តិសុខស្បៀងយូរអង្វែង។

ដោយឡែក ក្នុងភូមិសាស្ត្រខេត្តកំពង់ឆ្នាំង គេក៏សង្កេតឃើញប៉ុន្មានឆ្នាំចុងក្រោយនេះ មានការកើនឡើងនៃទិន្នផលនេសាទជាលក្ខណៈគ្រួសារ គឺជាសញ្ញាណវិជ្ជមានយ៉ាងច្បាស់មួយដែលកើតចេញពីប្រសិទ្ធភាពនៃការទប់ស្កាត់ និងបង្ក្រាបការនេសាទដោយប្រើឧបករណ៍ខុសច្បាប់កន្លងមក។

កាលពីមុន នៅពេលមានបទល្មើសទ្រង់ទ្រាយធំ ត្រីភាគច្រើនត្រូវបានក្រុមអ្នកនេសាទខុសច្បាប់ប្រមូលយកអស់ ប៉ុន្តែនៅពេលបទល្មើសទាំងនោះត្រូវបានទប់ស្កាត់ ប្រជានេសាទជាលក្ខណៈគ្រួសារដែលប្រើឧបករណ៍ ប្រពៃណីស្របច្បាប់ ដូចជា៖ មង សំណាញ់ លប បង្កៃ និងឧបករណ៍នេសាទជាលក្ខណៈគ្រួសារផ្សេងទៀត ធ្វើឱ្យពលរដ្ឋមានឱកាសរកត្រីបានច្រើនជាងមុន។

ការលុបបំបាត់ និងបង្ក្រាបឧបករណ៍ខុសច្បាប់ធំៗ ដូចជា ការឆក់ ការដាក់របាំងស្បៃមុងក្រឡាញឹកវែងៗរាប់រយម៉ែត្រ និងការនេសាទដោយប្រើឧបករណ៍ខុសច្បាប់ផ្សេងៗទៀត បានកាត់បន្ថយការប្រមូលផលត្រីហួសប្រមាណ និងមិនរើសមុខ ធ្វើឱ្យកូនត្រី និងត្រីមេពូជមានឱកាសរស់រាន រីកលូតលាស់ និងបន្តពូជបានយ៉ាងឆាប់រហ័ស។

នៅក្នុងភូមិសាស្ត្រខេត្តកំពង់ឆ្នាំង រយៈពេលប៉ុន្មានឆ្នាំចុងក្រោយនេះ បន្ទាប់ពីមានកងកម្លាំងយោធាឈរជើងក្នុងបឹងទន្លេសាប បានសហការជាមួយអង្គភាពពាក់ព័ន្ធ ពិសេសគឺសហការជាមួយមន្ត្រីជំនាញរដ្ឋបាលជលផល បានចុះធ្វើសកម្មភាពស្ទើរជារៀងរាល់ថ្ងៃ និងគ្រប់ច្រកល្ហក ដើម្បីទប់ស្កាត់ និងបង្ក្រាបសកម្មភាពបទល្មើសនេសាទដែលបានកើតមានគ្រប់រូបភាពផងដែរ។

ជាក់ស្ដែង នៅព្រឹកថ្ងៃទី២១ ខែវិច្ឆិកា ឆ្នាំ២០២៦ កម្លាំងតំបន់ប្រតិបត្តិការសឹករងកំពង់ឆ្នាំង ដឹកនាំដោយលោកវរសេនីយ៍ឯក ប៊ី រស្មីចន្នី មេបញ្ជាការរងតំបន់ប្រតិបត្តិការសឹករងកំពង់ឆ្នាំង សហការជាមួយខណ្ឌរដ្ឋបាលជលផល កំពង់ឆ្នាំង បានចុះធ្វើការបង្ក្រាបបទល្មើសនេសាទ ការដាក់របាំងភ្ជិតព្រែកមួយកន្លែង នៅចំណុចព្រែកកំពង់ប្រាសាទ ស្ថិតក្នុងឃុំសែប ស្រុកកំពង់ត្រឡាច ខេត្តកំពង់ឆ្នាំង។

ក្នុងកិច្ចប្រតិបត្តិការបង្ក្រាបបទល្មើសនេសាទខាងលើនេះ លោកវរសេនីយ៍ឯក ប៊ី រស្មីចន្នី ដែលបានដឹកនាំការបង្ក្រាប បានឱ្យដឹងថា ជាលទ្ធផលក្នុងការបង្ក្រាបជាក់ស្ដែង កម្លាំងចម្រុះកម្ទេចរបាំងភ្ជិតព្រែកបានចំនួន ៥ ទីតាំង មាន ៨ ឡុក ប្រវែង ១.៧២០ ម៉ែត្រ ចាក់កូនត្រីចម្រុះព្រលែងចូលទៅក្នុងបឹងធម្មជាតិវិញចំនួន ៥០ គីឡូក្រាម ធ្វើការអប់រំប្រជាពលរដ្ឋមិនឱ្យប្រព្រឹត្តបទល្មើសនេសាទក្នុងបឹងទន្លេសាបជាបន្តទៀតបានចំនួន ៤នាក់ផងដែរ។

លោកឧត្តមសេនីយ៍ទោ សេង ធារិន មេបញ្ជាការរង ជានាយសេនាធិការយោធភូមិភាគទី៥ និងជាប្រធានគណៈបញ្ជាការដឹកនាំការបង្ក្រាបបទល្មើសនេសាទលើផ្ទៃបឹងទន្លេសាប បានបង្ហាញការផ្ដាច់ញាចិត្តយ៉ាងមុតមាំថា ទោះបីកងទ័ពជាប់ដៃការពារបូរណភាពទឹកដីពីការឈ្លានពានយ៉ាងណាក្ដី ក៏នៅតែប្រកាន់ជំហរ «ដៃម្ខាងការពារទឹកដី និងដៃម្ខាងបន្តការពារធនធានធម្មជាតិលើផ្ទៃបឹងទន្លេសាប»។

លោកបានបញ្ជាក់យ៉ាងម៉ឺងម៉ាត់ថា កម្លាំងកងទ័ពនឹងបន្តទប់ស្កាត់ និងបង្ក្រាបបទល្មើសនេសាទខុសច្បាប់គ្រប់ប្រភេទ ដូចជា ការឆក់ត្រី ការដាក់របាំងស្បៃមុង លបណរ៉ាវក្នុងតំបន់ព្រៃលិចទឹក និងការជួញដូរធនធានជលផល ខុសច្បាប់ ជារៀងរាល់ថ្ងៃដោយពុំមានការលើកលែងឡើយ ដើម្បីធានាការពារធនធានធម្មជាតិ និងជីវៈចម្រុះដែលជាប្រភពមច្ឆាជាតិដ៏សំខាន់សម្រាប់ទ្រទ្រង់ជីវភាពប្រជាពលរដ្ឋ និងសេដ្ឋកិច្ចជាតិ។ ទន្ទឹមនឹងនេះ លោកក៏បានលើកទឹកចិត្តឱ្យប្រជាពលរដ្ឋចូលរួមសហការដោយរាយការណ៍ពីករណីការនេសាទដោយខុសច្បាប់ ដល់មន្ត្រីជំនាញ ឬកងទ័ពដែលឈរជើងនៅក្នុងបឹងទន្លេសាបក្បែរលំនៅឋាន របស់បងប្អូនដោយកុំមានការបារម្ភឡើយ៕