* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ម្ចាស់រោងចក្រ-សហគ្រាសត្រូវចងចាំថា ការគាំទ្រគ្រាន់តែជាការសាកល្បងប៉ុណ្ណោះ។ ការរក្សាទីផ្សារឱ្យបានយូរអង្វែង គឺត្រូវពឹងផ្អែកទាំងស្រុងលើគុណភាព, សុវត្ថិភាព, ស្តង់ដា, ថ្លៃសមរម្យ, និយាយជារួម គឺគុណតម្លៃ និងទំនុកចិត្តលើផលិតផល, ទើបជាកត្តាជំរុញឱ្យមានការគាំទ្រ និង ជ្រើសរើសប្រើប្រាស់ជាប្រចាំ។
* សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

ប្រធានក្រុមការងារចុះមូលដ្ឋានស្រុកកំពង់ស្វាយ ជំរុញឱ្យក្រុមការងារគណបក្សទាំងអស់សហការគ្នា និងឯកភាពផ្ទៃក្នុងឱ្យបានរឹងមាំ ក្នុងការដោះស្រាយបញ្ហាជូនប្រជាពលរដ្ឋនៅមូលដ្ឋាន

21-11-2026 17:22

(កំពង់ធំ)៖ លោកស្រី ឃួន ឃុនឌី សមាជិកព្រឹទ្ធសភា និងជាប្រធានក្រុមការងារចុះមូលដ្ឋានស្រុកកំពង់ស្វាយ ជំរុញឱ្យក្រុមការងារគណបក្សប្រជាជនទាំងអស់សហការគ្នា និងឯកភាពផ្ទៃក្នុងឱ្យបានរឹងមាំ ក្នុងការដោះស្រាយបញ្ហាជូនប្រជាពលរដ្ឋក្នុងមូលដ្ឋានឱ្យបានទាន់ពេលវេលា។

លោកស្រី ឃួន ឃុនឌី បានថ្លែងក្នុងកិច្ចប្រជុំបូកសរុបលទ្ធផលការងារគណបក្សស្រុកប្រចាំខែវិច្ឆិកា ឆ្នាំ២០២៦ និងលើកទិសដៅអនុវត្តបន្ត នាថ្ងៃទី២១ ខែវិច្ឆិកា ឆ្នាំ២០២៦ នៅទីស្នាក់ការគណបក្សស្រុកកំពង់ស្វាយ។

លោកស្រីមានប្រសាសន៍ថា ការបោះឆ្នោតជ្រើសរើសក្រុមប្រឹក្សាឃុំ សង្កាត់នៅអាណត្តិនេះពិតជាមានសារៈសំខាន់ណាស់ ហើយក៏ជាវិញ្ញាសាដែលលំបាក ដែលយើងទាំងអស់គ្នាត្រូវរួមគ្នាគិត រួមគ្នាដោះស្រាយ និងរួមគ្នាទទួលខុសត្រូវ ដោយឈរលើគោលការណ៍កិច្ចសហការគ្នា និងឯកភាពផ្ទៃក្នុងកាន់តែរឹងមាំឡើងបន្ថែមទៀតនោះ ទើបយើងទាំងអស់គ្នាទទួលបានជោគជ័យ។

លោកស្រីបានរំលេចនូវចំណុចសំខាន់ៗចំនួន ៤ ដល់អង្គប្រជុំ៖

១. លោកស្រីកោតសរសើរចំពោះអ្នកធ្វើរបាយការណ៍ដែលមានភាពរីកចម្រើន និងប្រសើរឡើង នេះក៏ដោយសារតែរបាយការណ៍តាមឃុំផ្ញើមកទាន់ពេល។

២. បេក្ខជនដែលជាក្រុមប្រឹក្សាឃុំត្រូវបន្តខិតខំប្រឹងប្រែងចុះមូលដ្ឋានក្នុងការដោះស្រាយបញ្ហាជូនប្រជាពលរដ្ឋ ពីព្រោះថាវិញ្ញាសាដែលស្មុគស្មាញនោះគឺ បញ្ហាព្រំដែន បញ្ហាស្គែម ភាពមិនប្រាកដប្រជារបស់ពិភពលោក ពិសេសបញ្ហាប្រេងឥន្ធនៈឡើងថ្លៃដែលធ្វើឱ្យបងប្អូនប្រជាពលរដ្ឋមានបញ្ហាសតិអារម្មណ៍។ យើងដឹងហើយថា បើប្រេងឡើងថ្លៃ អ្វីៗក៏ឡើងថ្លៃដែរ ហើយវាមិនមែនមានតែកម្ពុជាដែរ ដូច្នេះយើងត្រូវដឹងពីការដោះស្រាយ។ ចំពោះបញ្ហាព្រំដែន ថ្នាក់ដឹកនាំរបស់យើងប្រើប្រាស់យន្តការ និងច្បាប់អន្តរជាតិដែលមានស្រាប់។ ចំពោះបញ្ហាស្គែមអនឡាញ ប្រទេសណាក៏មានដែរ សម្រាប់កម្ពុជាយើងបានបង្ក្រាបដោយជោគជ័យ។

៣. ក្ដាប់សតិអារម្មណ៍ប្រជាពលរដ្ឋឱ្យបានល្អ ក្ដាប់ពីជីវភាពរស់នៅរបស់ប្រជាពលរដ្ឋ ពិសេសអ្នកដាច់ស្បៀង។

៤. គណៈបក្សឃុំ និងក្រុមការងារត្រូវជំរុញឱ្យប្រជាពលរដ្ឋមកចុះឈ្មោះបោះឆ្នោតឱ្យបានទាន់ពេលវេលា ពិសេសសុំលេខទូរស័ព្ទរបស់បងប្អូន ដើម្បីជំរុញឱ្យគាត់បានមកចុះឈ្មោះបោះឆ្នោត ដែលយើងមិនអាចមើលស្រាលការងារតូចៗនេះបានទេ វាអាចនាំឱ្យគណបក្សប្រឆាំងមួយចំនួនចាប់យកឱកាសកេងចំណេញផ្នែកនយោបាយ។

លើសពីនេះទៀត លោកស្រីជំរុញឱ្យក្រុមការងារថ្នាក់ស្រុក ឃុំ ភូមិ សហការគ្នាពិនិត្យមើលអណ្ដូងទឹក និងស្រះទឹករបស់ប្រជាពលរដ្ឋដែលអាចប្រើប្រាស់បាន ដើម្បីស្ដារជូនគាត់ឱ្យបានទាន់ពេលវេលា ពីព្រោះរដូវនេះជារដូវក្ដៅ នឹងត្រូវប្ដេជ្ញាចិត្តខ្ពស់ដើម្បីយកជ័យជម្នះឱ្យបានលើសលប់សម្រាប់អាណត្តិថ្មីនេះ។

លោកស្រីសូមផ្ដាំផ្ញើឱ្យសមាជិកគណបក្សទាំងអស់ត្រូវថែទាំសុខភាពឱ្យបានល្អ ត្រូវមានការប្រុងប្រយ័ត្នចំពោះបញ្ហាចរាចរណ៍ និងមានសុវត្ថិភាពទាំងអស់គ្នា។ សូមបញ្ជាក់ថា ចប់កិច្ចប្រជុំ លោកស្រីបានអញ្ជើញចូលមើលវឌ្ឍនភាពទីស្នាក់ការគណបក្សថ្មីដែលសម្រេចការសាងសង់បាន ៧០%៕