* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

សមាគមសល្យសាស្ត្រកម្ពុជា រៀបចំព្រឹត្តិការណ៍ «រត់កម្សាន្តជាមួយគ្រូពេទ្យវះកាត់កម្ពុជាលើកទី២» ដើម្បីប្រមូលថវិកាជួយដល់កុមារកម្ពុជា

22-11-2026 13:50

(ភ្នំពេញ)៖ សមាគមសល្យសាស្ត្រកម្ពុជា នាព្រឹកថ្ងៃទី២១ ខែវិច្ឆិកា ឆ្នាំ២០២៦ បានផ្ដួចផ្ដើមរៀបចំព្រឹត្តិការណ៍ «រត់កម្សាន្តជាមួយគ្រូពេទ្យវះកាត់កម្ពុជាលើកទី២ ដើម្បីកុមារកម្ពុជា» (Fun Run Season 2 with Cambodian Surgeons for Cambodian Children) នៅតំបន់បឹងកក់ រាជធានីភ្នំពេញ។ ព្រឹត្តិការណ៍រត់កម្សាន្តរដូវកាលទី២នេះមានគោលបំណង ប្រមូលថវិកាជួយកុមារកម្ពុជាតាមរយៈអង្គការមូលនិធិកុមារកម្ពុជា (Cambodian Children’s Fund) និងលើកទឹកចិត្តឱ្យលោកគ្រូអ្នកគ្រូវេជ្ជបណ្ឌិត និងអ្នកផ្តល់សេវាសុខាភិបាលដែលតែងតែយកចិត្តទុកដាក់ថែទាំអ្នកជំងឺ មានឱកាសបានមកជួបជុំរត់កម្សាន្ដជាមួយគ្នា ក៏ដូចជាការរំលឹកដល់លោកគ្រូអ្នកគ្រូវេជ្ជបណ្ឌិតដែលមមាញឹកក្នុងការបំពេញភារៈកិច្ចឆ្លៀតពេល ថែរក្សាសុខភាពរបស់ខ្លួនផងដែរ។

ព្រឹត្តិការណ៍នេះរៀបចំឡើងដោយសមាគមសល្យសាស្ត្រកម្ពុជា សហការជាមួយក្រុមហ៊ុន Getz Pharma Cambodia ដោយមានការចូលរួមគាំទ្រពីមន្ទីរពេទ្យអន្តរជាតិខេមា, មន្ទីរពហុព្យាបាល អ៊ែរ ផ្លឹស, ក្រុមហ៊ុន Pizza Hut, ក្រុមហ៊ុន V-Active, Master Home Care, ក្រុមហ៊ុនធានារ៉ាប់រង Manulife និង Phnom Penh City Center រួមទាំងដៃគូឧបត្ថម្ភផ្សេងទៀត ក្នុងគោលបំណងរួមគ្នាដើម្បីជួយដល់កុមារកម្ពុជាដែលកំពុងតែជួបការលំបាក។

ព្រឹត្តិការណ៍នេះមានអ្នកចូលរួមប្រមាណជាង៣០០នាក់ រួមទាំងលោក លោកស្រី សាស្រ្តាចារ្យ វេជ្ជបណ្ឌិតឯកទេស វេជ្ជបណ្ឌិត ទាំងផ្នែកសល្យសាស្រ្ត និងជំនាញផ្សេងៗ ព្រមទាំង ឱសថការី និស្សិតពេទ្យ អ្នកបម្រើវិស័យសុខាភិបាល និងអ្នកស្ម័គ្រចិត្តផងដែរ។

នាឱកាសនោះ លោក ឡុង អមតៈ នាយកគ្រប់គ្រង ក្រុមហ៊ុន Getz Pharma Cambodia បានបញ្ជាក់ថា ការគាំទ្រព្រឹត្តិការណ៍បែបសង្គមប្រភេទនេះ គឺជាផ្នែកមួយនៃបេសកកម្មរយៈពេលវែងក្នុងការលើកកម្ពស់វិសយ័សុខាភិបាល និងការជួយកុមារក្នុងសង្គមខ្មែរ។ ក្រុមហ៊ុនGetz Pharma ជាក្រុមហ៊ុនដែលផ្តល់នូវឱសថមានគុណភាពខ្ពស់ តម្លៃសមរម្យ ដែលតែងតែចូលរួមគាំទ្រព្រឹត្តិការណ៍សាធារណៈ និងជួយសង្គមជាច្រើនដូចជាការជួយដល់កុមាររងគ្រោះដោយអំពើហិង្សា និងការបង្កើតមូលនិធិជួយដល់គ្រួសារវីរជនកងទ័ព។

ព្រឹត្តិការណ៍នេះមិនត្រឹមតែជាសកម្មភាពកីឡាសប្បាយរីករាយទេ ប៉ុន្តែជាគោលបំណងដ៏មានតម្លៃក្នុងការរួមចំណែកធ្វើឱ្យកុមារកម្ពុជាមានសុខភាពល្អប្រសើរ និងអ្នកផ្តល់សេវាសុខាភិបាលរួមគ្នាថែរក្សាសុខភាពខ្លួនផងដែរ។

សូមជម្រាបថា សមាគមសល្យសាស្ត្រកម្ពុជា និងក្រុមហ៊ុន Getz Pharma Cambodia សូមថ្លែងអំណរគុណយ៉ាងជ្រាលជ្រៅចំពោះដៃគូឧបត្ថម្ភ ក្រុមគ្រូពេទ្យប្រចាំព្រឹត្តិការណ៍ អ្នកស្ម័គ្រចិត្ត លោក លោកស្រី សាស្រ្តាចារ្យ វេជ្ជបណ្ឌិត និងអ្នកចូលរួមទាំងអស់។ ការរួមចំណែករបស់លោកអ្នក ទាំងពេលវេលា កម្លាំងកាយ និងថវិកា បានជួយឱ្យព្រឹត្តិការណ៍រត់សប្បុរសធម៌នេះប្រព្រឹត្តទៅដោយជោគជ័យ និងរួមចំណែកជួយកុមារកម្ពុជាតាមរយៈអង្គការមូលនិធិកុមារកម្ពុជា (Cambodian Children’s Fund)។

គួររម្លឹកថា ព្រឹត្តិការណ៍រត់កម្សាន្តជាមួយគ្រូពេទ្យវះកាត់កម្ពុជា ដើម្បីកុមារកម្ពុជា «Fun Run Season 2 with Cambodian Surgeons for Cambodian Children» ធ្វើឡើងដើម្បីប្រមូលថវិកាជួយកុមារកម្ពុជាតាមរយៈ អង្កការមូលនិធិកុមារកម្ពុជា Cambodian Children’s Fund និងក៏ដូចជាការក្រើនរំលឹកដល់លោកគ្រូអ្នកគ្រូពេទ្យកុំភ្លេចមើលថែរក្សាសុខភាពខ្លួនឯងផងដែរ៕

ទស្សនាវិដេអូ៖ (ទីនេះ)