* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

សមាគមសហព័ន្ធយុវជនសេដ្ឋកិច្ចកម្ពុជា ពង្រឹងរចនាសម្ព័ន្ធដឹកនាំ និងប្រមូលកម្លាំងយុវជន ជំរុញការអភិវឌ្ឍសេដ្ឋកិច្ចក្រៅប្រព័ន្ធ

22-11-2026 15:17

(ភ្នំពេញ)៖ សមាគមសហព័ន្ធយុវជនសេដ្ឋកិច្ចកម្ពុជា បានរៀបចំកិច្ចប្រជុំវិសាមញ្ញលើកទី២ នាព្រឹកថ្ងៃទី២១ ខែវិច្ឆិកា ឆ្នាំ២០២៦ នៅទីស្នាក់ការកណ្ដាលសមាគម ក្នុងសង្កាត់ជ្រោយចង្វារ រាជធានីភ្នំពេញ។

ពិធីនេះធ្វើឡើងក្រោមអធិបតីភាព ឧកញ៉ាសាស្ត្រាចារ្យសមូហកបណ្ឌិត ឡី សុភាព ប្រធានក្រុមប្រឹក្សាភិបាលសមាគមសហព័ន្ធយុវជនសេដ្ឋកិច្ចកម្ពុជា និងជាប្រធានសមាគមសម្ពន្ធភាព អង្គការ-សមាគម និងវិស័យឯកជននៅកម្ពុជា ដើម្បីពង្រឹងរចនាសម្ព័ន្ធដឹកនាំ និងប្រមូលផ្តុំកម្លាំងយុវជនក្នុងការអភិវឌ្ឍសង្គម-សេដ្ឋកិច្ច។

កិច្ចប្រជុំនេះក៏ជាវេទិកាសម្រាប់ប្រកាសចូលកាន់មុខតំណែងរបស់ថ្នាក់ដឹកនាំ និងសមាជិកតាមតួនាទីនានារបស់សមាគមផងដែរ។ ជាមួយគ្នានេះ តួនាទីរបស់លោកជាប្រធានសមាគមសម្ពន្ធភាព អង្គការ-សមាគម និងវិស័យឯកជននៅកម្ពុជា ក៏ជាផ្នែកមួយនៃបរិបទស្ថាប័ន ដែលភ្ជាប់ការងាររបស់សមាគមជាមួយបណ្តាអង្គការ សមាគម និងវិស័យឯកជនផងដែរ។

ក្នុងនាមជាប្រធានក្រុមប្រឹក្សាភិបាល សមាគមសហព័ន្ធយុវជនសេដ្ឋកិច្ចកម្ពុជា និងជាប្រធានសមាគមសម្ពន្ធភាព អង្គការ-សមាគម និងវិស័យឯកជននៅកម្ពុជា ឧកញ៉ាសាស្ត្រាចារ្យសមូហកបណ្ឌិត ឡី សុភាព បានលើកឡើង អំពីការផ្តោតលើការពង្រឹងរចនាសម្ព័ន្ធដឹកនាំ កំណត់ទិសដៅយុទ្ធសាស្ត្រ និងប្រមូលផ្តុំកម្លាំងយុវជន ដើម្បីចូលរួមជំរុញការអភិវឌ្ឍសេដ្ឋកិច្ចក្រៅប្រព័ន្ធនៅកម្ពុជា។

កិច្ចប្រជុំនេះមានរបៀបវារៈសំខាន់ៗចំនួន៣ គឺការពិនិត្យ និងអនុម័តរចនាសម្ព័ន្ធសមាគម ការពិនិត្យ និងអនុម័តផែនការយុទ្ធសាស្ត្រ និងបញ្ហាផ្សេងៗពាក់ព័ន្ធនឹងដំណើរការរបស់សមាគម។

តាមរយៈកិច្ចប្រជុំវិសាមញ្ញលើកទី២ សមាគមមានគោលដៅពង្រឹងសមត្ថភាពសមាជិក បង្កើនការចូលរួមពីវិស័យឯកជន និងពង្រីកឱកាសវិនិយោគ ដើម្បីចូលរួមអភិវឌ្ឍសេដ្ឋកិច្ចក្រៅប្រព័ន្ធនៅទូទាំងប្រទេស និងបម្រើផលប្រយោជន៍ប្រជាជនកម្ពុជា៕