(ភ្នំពេញ)៖ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី ប្រតិភូរាជរដ្ឋាភិបាល ទទួលបន្ទុកការអគ្គនាយកនៃអគ្គនាយកដ្ឋានពន្ធដារ បានផ្ញើសារលិខិតរំលែកទុក្ខជូន ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងលោកជំទាវ ជា ដានី ព្រមទាំងក្រុមគ្រួសារ ចំពោះមរណភាពរបស់ឧបាសិកា កាំង ម៉េងហ៊ាង ហៅ សេង ឌី ដែលត្រូវជាម្តាយក្មេករបស់ ឯកឧត្តម។

នៅក្នុងសាលិខិតរំលែកទុក្ខរបស់ឯកឧត្តម គង់ វិបុល មានខ្លឹមសារដូចនេះទៀតថា តាងនាមថ្នាក់ដឹកនាំ និងមន្ត្រីរាជការទាំងអស់នៃអគ្គនាយកដ្ឋានពន្ធដារ និងក្នុងនាមខ្លួនខ្ញុំផ្ទាល់ មានសេចក្តីសោកស្តាយឥតឧបមា បន្ទាប់ពីបានទទួលដំណឹងថា ឧបាសិកា កាំង ម៉េងហ៊ាង ហៅ សេង ឌី ត្រូវជាម្តាយក្មេក របស់ឯកឧត្តម បានទទួលមរណភាពនៅថ្ងៃព្រហស្បតិ៍ ទី១៧ ខែកក្កដា ឆ្នាំ២០២៥ វេលាម៉ោង ០១:៥៨ នាទីរំលង អធ្រាត្រ នៅសហរដ្ឋអាមេរិក ក្នុងជន្មាយុ ៧៨ឆ្នាំ ដោយរោគាពាធ។

មរណភាពរបស់ ឧបាសិកា កាំង ម៉េងហ៊ាង ហៅ សេង ឌី គឺជាការបាត់បង់មាតាបង្កើត មាតាក្មេក និង ជីដូនជាទីគោរពស្រឡាញ់ប្រកបដោយព្រហ្មវិហារធម៌ និងទឹកចិត្តសន្តោសប្រោសប្រណីដ៏ថ្លៃថ្លា ដែលកន្លងមកបាន លះបង់កម្លាំងកាយចិត្តក្នុងការបីបាច់ថែរក្សា អប់រំទូន្មានប្រៀនប្រដៅកូនចៅឱ្យក្លាយជាធនធានដ៏មានតម្លៃរបស់សង្គមជាតិ ព្រមទាំងជាការបាត់បង់នូវពុទ្ធសាសនិកដ៏ល្អមួយរូប ដែលបានលះបង់អស់កម្លាំងកាយចិត្ត ប្រាជ្ញាស្មារតី និងធនធាន ជាច្រើន ក្នុងការរួមចំណែកឧបត្ថម្ភគាំទ្រលើកស្ទួយវិស័យព្រះពុទ្ធសាសនា មនុស្សធម៌ និងសុខដុមរមនាក្នុងសង្គម សុខសន្តិភាព។

ជាថ្មីម្តងទៀត ខ្ញុំសូមបួងសួងដល់ដួងវិញ្ញាណក្ខន្ធឧបាសិកា កាំង ម៉េងហ៊ាង ហៅ សេង ឌី បានទៅកាន់ សុគតិភពកុំបីឃ្លៀងឃ្លាតឡើយ៕