(ភ្នំពេញ)៖ អ្នកឧកញ៉ា គឹម សុខអេង ម្ចាស់បុរី ខេខេ ដឹរេស៊ីដេន ៥៩៨ ផ្ញើសារលិខិតអបអរសាទរ ឧកញ៉ា ឡាយ ឈុនហួរ ត្រូវបានជាប់ឆ្នោតជា ប្រធានសហព័ន្ធស្រូវអង្ករកម្ពុជា សម្រាប់អាណត្តិទី៥។

អ្នកឧកញ៉ា គឹម សុខអេង សូមចូលរួមអបអរសាទរយ៉ាងក្លៀវក្លា ក្នុងឱកាសដែល ឧកញ៉ា ត្រូវបាន សមាជិក សមាជិកា នៃសហព័ន្ធស្រូវអង្ករកម្ពុជា ផ្តល់ទំនុកចិត្តបោះឆ្នោតជ្រើសតាំងជា ប្រធានសហព័ន្ធស្រូវអង្គរកម្ពុជា សម្រាប់អាណត្តិទី៥ កាលថ្ងៃអង្គារ ៣កើត ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៦ ខែសីហា ឆ្នាំ២០២៥។

អ្នកឧកញ៉ា គឹម សុខអេង បញ្ជាក់ថា «ខ្ញុំជឿជាក់ថា បទពិសោធន៍ និង ឆន្ទៈដ៏មោះមុតប្រកបដោយស្មារតីទទួលខុសត្រូវខ្ពស់របស់ ឧកញ៉ា នឹងដឹកនាំ សហព័ន្ធស្រូវអង្ករកម្ពុជា ឆ្ពោះទៅរកភាពជោគជ័យ និងសម្រេចបាននូវសមិទ្ធផលធំៗ ជាច្រើនបន្ថែមទៀត។ ជាថ្មីម្តងទៀត ខ្ញុំសូមជូនពរបវរមហាប្រសើរ ជូនចំពោះ ឧកញ៉ា និង លោកជំទាវ ព្រមទាំងក្រុមគ្រួសារជាទីស្រលាញ់ សូមជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍»៕